Popular Bible Verses from Mateo 13

Share

Pet ech koj unq'a iiae' uve' ech toon tu u b'a'nla tx'ava'e', tan a' ni tokkate' ti' unq'a uxhchile' uve' ni ab'in u yole' as ninima. As niyak'in ve't u yole' tu u taanxelale' eche' unq'a tze'e' uva' nivatzine', tan ati uva' ni taq' o'k'alal (100) ivatz, as ati uva' ni taq' oxk'alal (60) ivatz, as ati uva' ni taq' vinaj laval (30) ivatz ti' junun vi'l,— ti'k u Jesús.

As unq'a iiae' uve' kat oon xo'l unq'a ch'i'xe', as a' ni tokkate' ti' unq'a uxhchile' uve' kat ab'in u yole'. As ni xaansa unq'a uxhchile' taama ti' unq'a vee' at vatz u tx'ava'e' as tuk' ti' u tx'iib'al q'iie' uva' ni sotzsan ik'u'l unq'a uxhchile' ti' u yole'. Esti'e' ye' niyak'in u yole' tu u taanxelal unq'a uxhchile' eche' umaj u tze' uva' ye' nivatzine'.

Tan unq'a iiae' uve' kat ku' tu b'ey, as a' ni tokkate' ti' unq'a uxhchile' uva' ni ab'in u yole' ti' u tijle'm u Tiixhe'. As ye' nipal stuul, tan ni tul teesa u tx'i'lanaje' u yole' uve' kat ok tu u taanxelal unq'a uxhchile'.

As unq'a iiae' uve' kat oon xo'l unq'a k'ub'e', as a' ni tokkate' ti' unq'a uxhchile' uve' tul ni tab'i u yole', as nichiib' sti'. As ni tok u yole' tu u taanxelale'. Pet ech unq'a uxhchile' eche' u iiae' uva' ye' kat palik b'en u taq'ile' tu u tx'ava'e', tan ye' kat yak'in u yole' tu u taanxelale'. As ye'xh jatva'l q'ii kat ib'ana, tan tul kat ul unq'a k'axk'oe' ti' u uxhchile' ti' uva' nimamal u yole' sta'n, as oora kuxh kat ka'kab'in taama sti'.

As ech nib'an u tijle'm u Tiixhe' eche' umaj u tx'iib'al q'ii uva' mujel tu umaj u tx'ava'. Tul la ilej umaj u naj u tx'iib'al q'iie', as la chiib' ve't naj sti'. As la imuj kan naj. As la b'en ik'ayi ve't kan naj unq'a tetze' skajayil, aq'al uva' la b'en iloq' naj u tx'ava'e' uve' atkat u tx'iib'al q'iie'.

Pet ech koj unq'a iiae' uva' echik toon tu u b'a'nla tx'ava'e', tan kat taq' ivatz. As ati uva' kat aq'on o'k'alal (100) ivatz ti' junun vi'l; as ati uva' kat aq'on oxk'alal (60) ivatz; as ati uva' kat aq'on vinaj laval (30) ivatz.

Pet ch'iiojno skaab'il. As lanal ilej ve't u q'iie' ti' imakle', as a'n la val te unq'a mak'ol tetze' ti' teesat chajnaj unq'a va'lexhla k'uache' b'axa. As la imol chajnaj. As la ik'al chajnaj ti' tok tu xamal. As a'n la itzok' ve't chajnaj unq'a trigoe' ti' ikolpe',» ti'k vib'aal u trigoe' tal te unq'a ik'ame',— ti'k u Jesúse'.