Popular Bible Verses from Genesisi 27

Share

Shangatsi Nkulunkulu angakunika ematolo asezulwini, avundzise nemasimi akho, akuphe inala yemabele neyeliwayini. Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Esawu watsi: “Utsi aketsiwanga kahle yini kutsi kutsiwe nguJakobe? Ngobe loku sekwesibili angiphamba. Wacale watsatsa lifa lebutubulo bami, manje-ke sewutsatse sibusiso sami.” Wachubeka Esawu wabuta uyise watsi: “Awukangibekeli yini sakami sibusiso?”

Wamphendvula uyise, Isaka, watsi: “Umuti wakho ungeke ube nemvundvo, uyawuba khashane nematolo elizulu. Uyawuphila ngenkemba yakho, usebente umnakenu, kodvwa kuyawutsi nawudlubulundzela, uyawulephula lijoko lakhe entsanyeni yakho.”

Esawu watsi kuyise: “Babe, sekukuphela kwato letibusiso bewunato yini, awunaso yini lesinye sibusiso? Babe, nami ngibusise!” Esawu wadzatimula wakhala.