Popular Bible Verses from Kenese 24

Share

‘Ona fa‘apea atu lea o ia: “Le ALI‘I e, le Atua o lo‘u matai o Aperaamo, ‘ia e fa‘amanuia lava ‘iā te a‘u i le asō, ma e alofa mai fo‘i i lo‘u matai o Aperaamo.

‘ia fa‘apea ‘ona fai, o le teine ‘ou te fa‘apea atu i ai, ‘Se‘i ē tu‘utu‘u ifo lau kate so‘u inu a‘e;’ ‘ona fa‘apea mai lea o ia, ‘‘Inā inu ia, ‘ou te fa‘ainua fo‘i a‘u kamela;’ o le teine lea ‘ua e tofia ma lau ‘au‘auna o Isaako; ‘ou te iloa fo‘i i lea mea ‘ua e alofa mai i lo‘u matai.”

‘Ona ta‘ita‘i atu lea e Isaako ‘iā te ia i le fale ‘ie o lona tinā o Sara, ‘ua ‘ave e ia o Repeka, ‘ua fai fo‘i o ia ma ana avā ‘ua fiafia fo‘i Isaako ‘iā te ia; ‘ona fa‘ato‘ā fa‘amafanafanaina ai lea o Isaako talu ‘ona oti o lona tinā.

‘Ua latou fa‘amanuia atu fo‘i ‘iā Repeka, ‘ua fa‘apea atu ‘iā te ia, “O oe o lo matou tuafafine, ‘ia ‘avea oe ma tinā, o afe e mano, ‘ia maua fo‘i e lau fānau o faitoto‘a o ē ita mai ‘iā te i latou.”

ma ‘ia e tautō mai ‘ia te a‘u i le ALI‘I, o le Atua o le lagi, ma le Atua o le lalolagi, ‘e te lē ‘aumai se avā a lo‘u atali‘i i fafine o Kanana, o le nu‘u ‘ou te nofo ai nei. A ‘ia e alu atu i lo‘u nu‘u ma lo‘u ‘āiga, ma e ‘aumai ai se avā ma lo‘u atali‘i o Isaako.”