Popular Bible Verses from Zaŋ 6

Share

Yezu ma ləvatar: «Peŋ ma mendzey ana na, yah ana, ndaw ma sawa ka tsakay ɗaw na, may a da tsafa ha kakay. Ndaw me pey 'ar ka yah na, ɗaɗa yam a da harta ha kakay.

Ma ndzaha da ndaw na Mesəfrey, slaw vaw na a nefey haɗa ha dakay. Guma ɗaw i ma tsakwar ana hay na, Mesəfrey ta sifa.

A dafa na təɗafama ka mber, ma ndzafada tek me zəmey a neney me zey ba na kakay, amana, tek me zəmey na me ndzey a mendzey me ndəvey kakay ana, na Bəzey ma Ndaw ma da vəlakwar ana, hərway ma mey na, Baba Bay ma Bəla ta 'ar aŋga ma kafa zeheɗ aŋga kava na.»

Akwa Baba ɗaw a wuɗey na andza ha tok, kwa way way ma nəkada Bəzey ana, me pey 'ar ka ŋga na, a ndzefey mendzey me ndəvey kakay ana; arka yah tey na i da mbəladərawa ta pas madakwaydok ana.»

Yezu ma mbəɗatar kava: «Mber ma Bay ma Bəla na, me pey 'ar ka Ndaw ŋga ma sləradərawa na.»

Mendzey ma ndaw na Baba ma vəladataya na hay na, a da səmawa ka tsakay ɗaw, ndaw ma sawa ka tsakay ɗaw ana na, i da kəlada ha kakay.

Ama Simoŋ Piyer ma mbəɗar kava: «Bay’ərlam, la da dawam na ka tsakay ŋgway sa ŋgway! Guma ɗek hay na, guma ma mendzey me ndəvey kakay ana sana.

Yah na peŋ te dey ana, ma hərɗawa da 'ərlam ana. Ndaw ma da zəmey peŋ a neney na, a da ndzey na ma kozaha. Peŋ ana i ma da vəley ana na, slaw vaw ɗaw ana, ma vəla ha na, ma bəla ka ndzefey mendzey.»

Kwa ndaw a slafa ma sawa ka tsakay ɗaw, mandzara Baba ɗaw ma sləradiyawa na ka kavatərawa kakay, arka yah tey na, i da mbəladərawa da meney madakwaydok ana.

Hərway peŋ ma Bay ma Bəla na, na ŋga na ma hərɗawa da 'ərlam ana, arka na a vəlar mendzey a bəla na.»

Yah na peŋ ma mendzey ana.

Arka Yezu ma həlata peŋ ana hana hay, ma kada sise, ma wanəkadatara a ndaw ana hay. Ma zəga kəlef ana hay, ma kada andza ha satsa; ma vəladatara ha ma zəmam ha ka mevel ata me wuɗey. Andza taya ma rəha hiya tsoy na, Yezu ma ləvatar a gawla ŋga hay: «Tsakalama sa na ma zawa na hay, kwa ka da zəɗey zlay.»

Taya ka guram tsoy a key kilometre zlam ta ɗakal, andza ma nəkadama Yezu a heley aha ka 'ar ma bəlay, a gurawa ha ka slam ma kombiwal na, arka zluwer ma katar. Ama Yezu ma ləvatar: «Neney na yah, ka wasam zlay!»