Popular Bible Verses from Mk 10

Share

Xb'aan naq chi moko li K'ajolb'ej xchalk chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

Li Jesus kixka'yaheb' ut kixye: —Chiruheb' li winq ink'a' naru, ab'an chiru li Yos naru, xb'aan naq chixjunil naru chiru li Yos.

Li Jesus kixye re: —Ayu, laapaab'aal xkolok aawe. Ut chi junpaat ki'ok chi ilok ut kixtikib' xtaaqenkil li Jesus sa' b'e.

Jo'kan utan, li xlaq'ab'ahom li Yos, maajun chik taajachoq re.

Li Jesus kixka'ya, kixra ut kixye re: —Toj jun chik maa nakab'aanu: ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

—K'aru taawaj tinb'aanu aawe? chu'uxk re xb'aan li Jesus. Kichaq'ok li mutz' ut kixye: —At Tzolonel, chin'iloq ta.

Ab'an moko jo'kanaq ta sa' eeyanq laa'ex: ani naraj naq nimaq xwankil sa' eeyanq, a'anaq laj k'anjel cheru

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.

Naab'aleb' li wankeb' chi uub'ej, te'kanaaq chi ixb'ej; ut li wankeb' chi ixb'ej, te'kanaaq chi uub'ej.

Ab'an chalen chaq sa' xtiklajik li ruuchich'och' «teelom ut ixq naq ke'yoob'tesiik xb'aan li Yos». Jo'kan naq li winq tixkanab' li xna' xyuwa', ut junajaqeb' aj chik chi tz'ejwalej te'kanaaq chi xkab'ichaleb'. Chi jo'kan eb' a'an moko wiib'eb' ta chik, junajeb' aj b'an chik chi tz'ejwalej.