Popular Bible Verses from Génesis 39

Share

Cosiso napotopirinahuëꞌ, Siniorori co naniantërinhuëꞌ. Inari catahuarin niꞌton, huaꞌanën pëinënquë noya yonquiaton yacapatërin. Noya nicaton, noya yaꞌhuërin.

Cosiri yaꞌipi maꞌshanënpita noya aꞌpaitërin niꞌton, co huachi maꞌmarë tëranta yonquiárinhuëꞌ. Topinan noya coshatárin huachi. Cosisoꞌ, noyapin noyapin niꞌtomantarin niꞌton, yaꞌipi quëran paꞌyatopi.

Napoaton catahuacaso marëꞌ acorin: “Quëmari aꞌnapita prisoroꞌsaꞌ, aꞌpaiaran,” itërin. Napoaton Cosi camaitërinsoráchin tashinan pëiquësoꞌ, prisoroꞌsa nipi.

Cosi macacaiso marëꞌ piyapinënpita camairin. Nani mapachinara, tashinan pëiquë poꞌmopi. Copirno tëhuëtopisopita yaꞌhuëapiquë poꞌmopi. Tashinan pëiquë poꞌmopirinahuëꞌ, Siniororisoꞌ co Cosi naniantërinhuëꞌ. Nosoroaton catahuaantarin niꞌton, tashinan pëi huaꞌani, noya nicaton paꞌyatërin: “Cosisoꞌ, nóya huiꞌnapi,” taꞌton, noya niꞌnin.

Napoaton co huaꞌquiya quëranhuëꞌ, huaꞌanën saꞌini niꞌsárin quëran noyarin huachi. Aꞌna tahuëri itapon: —Huëquë paꞌa quëmasoꞌ inapoquëꞌ, itërin. Napotopirinhuëꞌ, Cosiso co piꞌpisha tëranta nohuantërinhuëꞌ. Napoaton itapon: —Niꞌquë siyora, piꞌpian shaꞌhuichinquën topirahuë: Huaꞌanëhuë yaꞌipi yaꞌhuëtërinsopita aꞌpaiaꞌhuaso marëꞌ acorinco. Cari yaꞌipi aꞌpaiarahuë niꞌton, co maꞌmarë tëranta yonquiárinhuëꞌ. Natërinco niꞌton, sano cancantërin. Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

Aꞌna tahuëriso nipirinhuëꞌ, Cosi pëiquë sacatapon yaꞌconin. Naporoꞌ co aꞌnapita yaꞌhuëasoihuë niꞌton, sanapiso Cosi soꞌhuianarinso matërin. Inapotaton: —Huëquë paꞌa quëmaso inapoquëꞌ, itërin. Napotopirinhuëꞌ, Cosiso nisoꞌhuianatërinso paꞌcoirahuaton, taꞌarin.