Popular Bible Verses from Génesis 25

Share

Natanpachina, Siniorori itapon: “Catopiaꞌhuaya cayoran. Inapita shinpita quëran cato nacion pipipon. Cato huënton nicatonaꞌ, niahuëráponaꞌ. Ipora shimashonëna coꞌhuara nasichátëraponahuëꞌ, niahuëpiso pochin nicaponaꞌ. Aꞌnara chini chiníquën nanantapon. Naporahuaton huaꞌhua nininsoari masho masho nininso camairápon,” itërin.

Cacopo aꞌitërinso niꞌsahuaton itapon: —Nosoroco iya, tana yatëparinco casoꞌ. Quëhuashin cosharo anpiransoꞌ, canta quëtoco caꞌi, itërin.

Nipicasoꞌ, co nanitërinhuë huaꞌhuanacasoꞌ. Ina marëꞌ Isaco Sinioro nontërin. Napohuachina, nontërinsoꞌ natanahuaton, catahuarin niꞌton, Nipica cayorin huachi.

Napotohuachina, Isaosoꞌ tapon: —Niꞌquë iyasha, tana caso yatëpararinco. Chiminpatosoꞌ, paninan ninahuëso marëꞌ canaꞌhuasoꞌ yaꞌhuëtërincosopita, topinan quëran nisarin, itërin. —Yoscoarëꞌ quëtaranquën itoco nipachin, itaantarin Cacopori. Napotohuachina, “Yoscoarëꞌ quëtaranquën,” itërin. Inapoaton, Isaoso paninan nininso marëꞌ canacaso yaꞌhuëtërinsopita, co paꞌyatërinhuëꞌ.

Ina paꞌtaso chachin, iiontaꞌ, aꞌna imirin quëran Isao matocanahuaton, huaꞌhuataantarin. Naporinso marëꞌ inasoꞌ, Cacopo itopi. Isaco saota shonca piꞌipitasoꞌ, huiꞌninpita nasitapi.

Isaosoꞌ, paꞌpini naꞌcon naꞌcon paꞌyatërin. Inantërinso capaton, napotërin. Yaꞌhuërëꞌ Nipicasoꞌ, Cacopo naꞌcon naꞌcon paꞌyatërin.