Popular Bible Verses from Jn 14

Share

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Ri Jesús xubij chike ri rutijoxela': Man tisach ik'u'x; tikuquba' ik'u'x rik'in ri Dios, kan keri' chuqa' tibana' wik'in yin.

Y toq yin man ink'o ta chik iwik'in, ri nata' xtuteq-pe ri Loq'olej Espíritu richin yixruto'. Y ja rija' ri xtik'oje' iwik'in pa nuk'exel. Y kan jak'a chuqa' rija' xkixtijon y xtunataj ronojel ri ch'abel ri e nubin kan yin chiwe.

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

Y yin xtink'utuj k'a chire ri nata'. Y rija' kan xtuteq k'a pe jun chik ri nito'on iwichin richin xtik'oje' iwik'in richin jantape'. Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

Ronojel k'a ri xtik'utuj pa nubi' yin, kan xtinya-wi. Richin keri' niq'alajin ri ruq'ij-ruk'ojlen ri nata', woma yin. Wi k'o k'a ri xtik'utuj pa nubi' yin, kan xtinya-wi-pe chiwe.

Wi rix yiniwajo', kan ninimaj ri pixa' ri yenbij chiwe.

Ri chila' chikaj ri akuchi k'o-wi ri nata', k'o k'a akuchi xkek'oje-wi ri ye'apon rik'in. Wi man ta qitzij chi keri', yin jun wi ta chik rubixikil xinben-apo chiwe. Yin wakami yibe chubanik rutzil ri akuchi xkixbek'oje-wi ri chiri'.

Chubanik k'a ri' toq yibe y kan xkipe chik jun bey, y xkixink'uaj wik'in richin chi akuchi xkik'oje-wi yin, chiri' chuqa' xkixk'oje-wi rix.

Jak'a ri Tomás xubij chire ri Jesús: Wajaw, roj man qetaman ta akuchi yabe-wi. ¿Achi'el k'a toq xtiqetamaj achike bey niqak'uaj-el?, xcha'.