Popular Bible Verses from Gén 2

Share

Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'.

Y ri Dios xuch'ob-qa: Xtinben k'a jun to'onel richin ri achin ri kan ruk'amon chire, roma man utz ta chi ruyon nik'oje', xcha'.

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Y jari' toq ri Adán rik'in kikoten xubij: Re' kan junan rubanikil wik'in yin. Kan nubaqil-nuboch'il wi yin, rija' xtubini'aj k'a Ixoq,*f2* roma rik'in ri achin xelesex-wi, xcha' ri Adán.

Ri Dios kan xrurtisaj k'a ri ruwuq q'ij y xuben chi re q'ij re' man junan ta k'a rik'in ri ch'aqa' chik q'ij; y kan xuch'er k'a richin uxlanenri'il, roma chupan ri q'ij ri' xtane' chire ri samaj ri xuben.

Y ri Adán y ri rixjayil kan e ch'anel k'a chi e ka'i' y man jun k'a k'ix chikiwech.