Popular Bible Verses from Jon 1

Share

Megara bira bira undag me auyawa sira me iviwa gumbe anotumat ayawa, God usitainawa atan oya yusiwa munne

Namuiren amatonewa me apa Gae wakene, sira Gae me God gaibu, sira Gae me God.

Eyawa me sisip danave esivi, megara sisip me den yaug anone.

Gae me kwapiven ane, sira me gunup wakene. Nu me eyawa meuma yautu. Eyawa mame me Usiwa desiromiren eyawa. Me Mamawa gumbe onne. Eyawa me ano oraiwa ge ano natawa gumbe noidauwane.

Me gumbe dividivi undag waramne. Dividivi undag waramnewa yapowo me gumbe den wadnewa divi da den wakene. Me danave inaiinai wakene, sira inaiinai mame me eyawa iyayapan munan.

Umaipa, Jon me Iesu me gumbe onivi yaug wane, “Yauya, God Sip Usiwa, me piyu undag kukaeba muma tam aipe!

Me piyu mame apa wakene, sira piyu mame me gumbe wadne, megara piyu mame me den yaug anone. Me at meuma uwane, megara iyayapan meuma me den auya.

Eyawa natawa me iyayapan undag gumbo esipewa me piyu mame uwatan aivi.

Kuiyawa Gwangwan Mosisi gumbe nunne, megara ano oraiwa ge ano natawa Iesu Keriso gumbe uwane.