Popular Bible Verses from Ioane 15

Share

“Ko au ko te vine, ka ko koutou ko nā lālā. Ko nā tino e tūmau to lātou tahi ia te au, ma au ia te ki lātou, ka fua mai ai ni fua e lahi; auā e hēai he mea e koutou mafaia e aunoa ma au.

Ke tūmau te tahi o koutou ia te au, e vē ona tūmau te tahi o au ia te koutou. E hē mafai e he lālā ona fua mai ni ona fua ia te ia lava; e mafai oioti kāfai e tūmau i te vine. E vēnā foki ona hē mafai ke fua mai ni fua ia te koutou, vaganā koutou e tūmau ia te au.

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

E hēai he alofa e hili atu i lo tēnei, ko te ofo atu e he tino o tona ola mo ana uō.

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Ko taku fakatonuga la tēnei: ke alofa tētahi ki tētahi e vē ona alofa atu au ki a te koutou.

Ka fakaalia te mamalu o toku Tamana i te lahi o nā fua e fua mai ia te koutou; ma ko te mea ia e kavea ai koutou ma hoko o oku.

Kua toe vāgana atu ia Iehu, “Ko au ko te vine moni, ka ko toku Tamana ko te galue vine.

Ko nā tino e hē tūmau to lātou tahi ia te au, e togi kehe e vē ko he lālā ma mamago ai; ko nā lālā vēnei e fakaputu ma togi ki loto o te afi ma mu ai.

“Kua lea atu au ki a te koutou i te mea tēnei, kae ke ia te koutou ai toku fiafia, ma ke kātoatoa ai te koutou fiafia e vē ko toku fiafia.

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ko tēnei la te mea e fakatonu atu ai koutou e au; ke alofa tētahi ki tētahi.

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.