Popular Bible Verses from Ioane 12

Share

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ko ai lava e fakapelepele ki tona ola, ka hē ia mauagia; ma ko ai lava e inoino ki tona ola i te lalolagi nei, ka ia te ia pea lava mo te ola e fakavavau.

E takutino atu e au ki a te koutou te meamoni: ko te fuāhaito e fokotahi e tūmau lava ma fuāhaito e fokotahi, vaganā e pakū ki te kelekele ma mate. Kāfai e mate, oi ka lahi nā fua e maua mai ai.

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.

E hē fakamahinoa e au nā tino e ki lātou lagona aku kupu, kae hē uhitaki ki ei. Ko au e hēki hau ke fakamahino ia tagata o te lalolagi, kae ke fakaola.

Oi kave ai e Malia ni lolo manogi taugatā pe ko te nato mamā, kua liligi ki nā vae o Iehu oi holo ai i tona laulu. Ko te manogi manaia o nā lolo kua fakatumulia ai te fale kātoa.

Oi kave ai e ki lātou nā launiu ma oatu kua fakafetaui ki a te ia, ma taufai kālalaga vē, “Ke vīkia te Atua! Ke fakamanuia e te Atua ki tē e hau i te igoa o te Aliki! Ke fakamanuia e te Atua te Tupu o Ihalaelu!”

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.