Popular Bible Verses from Gāluega 16

Share

Kua tali mai te toka lua, “Talitonu ki te Aliki ko Iehu, oi fakaola ai koe — ko koe ma tō kāiga.”

I te taimi pe ko te vaeluapō, ko Paulo ma Hila e uhu a lā pehe halamo e viviki ai ki te Atua, ka ko iētahi pagotā e fakalogologo ki ei. Kae nā lava e teki kua to he mafuie lahi ma lūlū ai te falepuipui i ona fakavae. I te taimi lava tēnā na mātalatala ai nā faitotoka o te falepuipui ma pakukū kehe nā filifili mai nā pagotā uma lele.

Oi takitaki ai e ia ki lātou ki fafo ma fehili vē atu ki ei, “Nā tamana, he ā nei te tatau ke kō faia ke fakaola ai au?”

Kua teki ake ki luga te leoleo falepuipui, ma i te ia kiteaga ko nā faitotoka o te falepuipui kua mātalatala, na vē ake ai tona manatu ko nā pagotā kua hōhola kehe; oi na unu ake ai tana pelu ma tau pule ki tona ola. Kae kua kalaga leo lahi vē atu ki ei ia Paulo, “Nahe faia e koe te mea tēnā! Ko ki mātou uma e i kinei!”