Popular Bible Verses from Gāluega 1

Share

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Na tali atu ia Iehu, “Ko toku Tamana oioti lava te ia faia te tonu pe ko āfea te ka tutupu ai nā mea iēnei, ma e hēai lele hautou aiā ki ei.

Ka ko i ei ia ma ki lātou, na fai e ia te fakatonuga tēnei ki ei, “Ko koutou e hē olo kehe ma Ieluhalema, kae fakatali ki te meaalofa na lea atu ai au, te meaalofa na folafola e toku Tamana. Na papatiho e Ioane ia tagata i te vai, kae i ni nai aho, ko koutou ka papatiho i te Agaga Paia.”

I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.

Kua uma te vāgana atu vēnei o Iehu, oi hikitia ake ai ki te lagi kae kikila atu ki lātou, ma na pupuni ai ia i he ao, mai te lātou kikila.

Ka koi kikila ake lava o lātou mata ki te lagi i te teka kehe atuga o Iehu, kae teki lava kua i ei ni taulelea e toka lua e tutū i o lātou tafa, e kokofu i ni kofu paepae. Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”