Popular Bible Verses from Luka 12

Share

Note in zong kigingkhol un. Bang hang hiam na cih uh leh, na ngaihsut loh uh hun lai takin, Mihing Tapa a hong pai ding hi,” a ci hi.

Ama Gam na zong masa un. Na zon’ uh leh tua nate khempeuh zong hong kipia thuah ding hi.”

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

Bang hang hiam na cih uh leh, na sum kholna munah na lungsim uh zong a om ding hi.”

A lunghihmawh manin na tun san’na uh tong khat bek a khangsak thei note lakah kua a om hiam?

Khatvei Zeisu in, “Tua ahih ciangin note kiangah kong gen-inah, bang ka ne ding hiam ci-in na nuntak nading uh lunghimawh kei un. Bang ka silh ding hiam ci-in na pumpi ading uh lunghimawh kei un.

Na sam uh zong kisim khin hi. Na kihta kei un; note in gitta tampi sangin na manpha zaw uh hi.”

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Va-akte na lungngai un. Amaute in khaici tuh lo, a at kei uh hi. Beem ahi zongin, saal ahi zongin a nei kei uh hi. Ahih hangin Pasian in tuate a vak hi. Vasate sangin note in bangzahvei a manpha zaw na hi uh hiam?

Bang ka ne ding hiam, bang ka dawn ding hiam ci-in na ngaihsun kei un.

Upna neute aw, tuni-in om a, zing ciangin meikhuk ah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

A kilak lo ding a kisincip bangmah om lo hi. A kithei lo ding a ki-imcip bangmah om lo hi.