Popular Bible Verses from Luke 23

Share

Sa qai kaya ko Jisu, “I Tamaqu, ni vosoti ira; ni ra sa sega ni kila na ka era sa kitaka.” A ra sa vota na nona i sulu, ka ia na vakawiri madigi.

A sa kaya vua ko Jisu, “Au sa kaya vakaidina vei iko, e na siga ga edaidai edaru na tiko vata mai Parataisi.”

A sa kaya vei Jisu ko koya, “Kemuni na Turaga, nanumi au ni kemuni sa lako mai e na nomuni matanitu.”

Ia sa kaci e na domo levu ko Jisu, ka kaya, “I Tamaqu, au sa solia na yaloqu ki na ligamuni!” Ia ni sa vosa oti vakakoya, sa qai ciba.

Ia ni ra sa yaco ki na yasana sa yacana ko Kalivari [se ko Kolikoca, se na Qavokavoka], era sa vakoti koya kina ki na kauveilatai, kei rau talega na tamata caka ca, e dua e na ligana i matau ka dua e na ligana i mawi.

Ia sai kaono ni aua, a sa butobuto na vanua taucoko ka yacova nai kaciwa ni aua. A sa vakabutobutotaki na mata-ni-siga; a sa sei rua nai lati ni vale-ni-soro.

Ia ni sa raica na turaga-ni-valu na ka sa caka, sa vakarokorokotaka na Kalou, ka kaya, “E dina ga sa yalododonu na tamata oqo.”