Popular Bible Verses from I‐Genesise 17

Share

KWAYE kute, akuba u‐Abrame eyiminyaka imashumi alitoba enesitoba ubudala bake, wabonakala UYEHOVA ku‐Abrame, wati kuye: Mna ndi NGUTIXO onamandla onke; hamba ebusweni bam, ufezeke ukulunga.

Kanjalo igama lako aliyi kuba sabizwa ngo‐Abrame, koko igama lako loba ngu‐Abrahame; ngokuba ndikwenzile uyise wento eninzi yezizwe.

Ndandiya kumisa ucebano lwam pakati kwam nawe, nenzalo yako emva kwako ngezizukulwana zabo, lube lucebano olungunapakade, lwokokuba ndibe NGUTIXO kuwe, kwa nakuyo inzalo yako emva kwako.

Mna, bona ke, ucebano lwam lunawe; woba wena unguyise wento eninzi yezizwe.

Wati UTIXO: Okwenene u‐Sara umfazi wako wokuzalela unyana, negama lake uya kulibiza ngo‐Yisake; ndandiya kumisa ucebano lwam naye, lube lucebano olungunapakade nenzalo yake emva kwake.

Kanjalo ndiya kunika wena, nenzalo yako emva kwako, ilizwe lokupambukela kwako, kwa lonke ilizwe le‐Kanane, libe yimfuyo engunapakade; ndandiya kuba NGUTIXO wabo.

Waza u‐Abrahame wawa ngobuso bake, wahleka; wati entliziyweni yake: Ominyaka yobudala ilikulu uya kuzalelwa umntwana na? no‐Sara, ominyaka yobudala ingamashumi alitoba, uya kuzala na?

Walekela UTIXO wati ku‐Abrahame: u‐Sarai, umfazi wako, akuyi kulibiza igama lake ngo‐Sarai, koko liya kuba ngu‐Sara igama lake.

Niya kwalusa inyama yejwabu lenu; okuya kuba ngumqondiso oko wocebano olupakati kwam nani.

Kodwa ucebano lwam ndiya kumisa lona no‐Yisake, lo u‐Sara aya kumzalela wena malunga nelixesha ngomnyaka ozayo.

Omihla isibozo uya kwaluswa pakati kwenu, konke okubudoda ngezizukulwana zenu, lowo ozelweyo endlwini, nalowo otengiweyo ngemali kosukuba engowasemzini, ongenguye owenzalo yako. Lowo ozelweyo endlwini yako, nalowo otengiweyo ngemali yako, uya kwaluswa ngenyaniso; lwoba ucebano lwam lusenyameni yenu lube lucebano olungunapakade.