Popular Bible Verses from યોહાન 5

Share

હૂં તમનેં હાસું-હાસું કું હે, કે ઝી મારું વસન હામળે હે, અનેં મારા મુંકલવા વાળા ઇપેર વિશ્વાસ કરે હે, હેંને અમર જીવન મેંળવ્યુ હે, અનેં હેંનેં સજ્યા નેં આલવા મ આવે. વેયુ અમર મોત થી બસેંનેં પેલ થકીસ નવા જીવન મ ભરાએં સુક્યુ હે.

ઇસુવેં હેંનેં તાં પડેંલો ભાળ્યો, અનેં જાણેં જ્યો, કે વેયો ઘણા ટાએંમ થી ઇની દશા મ હે, એંતરે હારુ ઇસુવેં હેંનેં પૂસ્યુ, “હું તું હાજો થાવા સાહે હે?”

તમું પવિત્ર શાસ્ત્ર નેં ભણો હે, કેંમકે તમું માનો હે કે હેંનેં મસ અમર જીવન મળે હે, પુંણ ઇયુસ પવિત્ર શાસ્ત્ર મારા બારા મ ગવાહી આલે હે. તે હુંદં અમર જીવન મેંળવવા હારુ તમું મારી કન નહેં આવવા માંગતં.

તર ઇસુવેં હેંનેં કેંદું, “ઉઠ, તારી પથારી ઉપાડ, અનેં સાલવા મંડ.” વેયો માણસ તરત હાજો થાએંજ્યો, અનેં પુંતાની પથારી ઉપાડેંનેં હરવા-ફરવા મંડ્યો.

ઇની વાત ઇપેર ઇસુવેં હેંનનેં કેંદું, “હૂં તમનેં હાસું-હાસું કું હે, બેંટો પુંતે કઇસ નહેં કરેં સક્તો, ખાલી વેયો ઝી બા નેં કરતં ભાળે હે, કેંમકે ઝેંનં-ઝેંનં કામં નેં વેયો કરે હે, હેંનનેં બેંટો હુંદો હીવીસ રિતી થી કરે હે.