Popular Bible Verses from Apostolu Dorbi 2

Share

Pīters jim saceja: Dorit grāku vaidēšonu, un ai ikvīns nu jums pījam Jezus vōrdā kristeibu, tad sajimsit sovu grāku atlaisšonu un Svātō Gora dōvonu.

Un jī pastōvēja apostolu mōceibā, vīnkūpeibā, maizes lauzšonā un lyugšonā.

Un jī tyka pīpiļdeiti ar Svātū Goru un sōce runōt svešōs volūdōs, kai Gors jim runōt īdvēse.

Un umai nu debesim izacēle itkai atejūšōs aukas šaļkšona un pōrpiļdeja vysu mōju, kur jī sēdēja. Tad jim pasarōdeja itkai guneigas mēles, kuras izadolūt uz ikvīna nu jim nūsalaide. Un jī tyka pīpiļdeiti ar Svātū Goru un sōce runōt svešōs volūdōs, kai Gors jim runōt īdvēse.

Ikdīnas jī, lauzdami maizi, uzaturēja vīnprōteigi svētneicā un sātā, un bareibu pījēme prīcā un sirsneigā vīnkōršeibā. Jī slavēja Dīvu un beja īmīļōti vysā tautā. Kungs ikdīnas pavairōja tūs skaitu, kurim vajadzēja kūpā ar jim byut izpesteitim.

Tys nūtiks pādejōs dīnōs, soka Dīvs: Es izlīšu Munu Goru uz ikvīnas mīsas, un pravītōs jyusu dāli un jyusu meitas, un jyusu jaunēkli īraudzeis parōdeibas, un jyusu večim byus parōdeibas sapnā.

Un visi ticeigī turējōs kūpā, un vyss jim beja kūpejs. Jī pōrdeve sovus īpašumus un montu un tū izdaleja visim, cik kuram beja vajadzeigs.

Kas pīsauks Kunga vōrdu, tys tiks izglōbts.

saule pōrsavērss tymsumā un mēness asnī īprīkš na lelō un jaukō Kunga dīna atīs.