Popular Bible Verses from Génesis 22

Share

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Ca' ñi qota'olec 'naaco' queso'maxare: —Coñita ñí'maq 'oonoqui' qachaalqui' Isaac, ñí'maq paguec rqo'itaxachi'. Ca' quirepegue' yi 'laua leenaxat Moriah. Ca ma' vichita yi'maxare, ca 'ỹaañiro quiyim vigaxachi' vite rachitaxanataxanaxachi', lli'ralec adá'maq quemaralec ladocai sachaxanem qami' ma'le.

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

—Ỹaalcolec, —'naaco' so leta'a—, ñi qota'olec ỹo'uet ma'le cá'maq ỹachigoxota'gue cá'maq qagreta llaalec quiyim nachitaxanataxanaxat. Ca ñaqai queete' niỹareta'pe.

ỹaatqajam 'xoic ca iqouagaxa caqami' ma'le. Chaqai 'xoic nqaishin ma'le ca qachaalaxai'pi, 'nejem ana huaqajñi hueeto'ot na piguim; chaqai 'nejem na lo'uaxanaxa hueeto'oto naua lahil ana lachiugue. Chaqai ca'maxare sqaica lovi' nqai'en na npa'guenaxauaripi. Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

ca' so lelaatec ñi qara'gaxala' roỹaxan, 'maqot na piguim, 'naaco': —¡Abraham! ¡Abraham! Ca 'naaco' so Abraham: —Aỹim, seuete'e najo.

Ca' so nelaatec piguim le'ec liỹa roỹaxana so Abraham. Ca 'naaco' queso'maxare: —Ñí'maq qara'gaxala' 'naac: Ma' qami' 'viichi' dajo, chaqai quiyim se rauochitegue caỹim ñi 'oonoqui' qachaalqui', ca' nagui saanec da ỹa'qaatec ñallitalta'

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.