Popular Bible Verses from Mako 2

Share

Yeshu oho ayuvwile eshe, wabakumbwile ngayi, “Bantu banzimba kushinga nganga bafwako ndele bakakukola tuhu. Kaliha nezile mukwihana bakakwoloka, ngoboni mukwihana bakawubi ngayi batenguluke.”

Yeshu wamonene kukulupila kwabo, wambile ku mulume wa kalepa ngayi, “Mwanami, wubi wobe unayatiwili.”

Yeshu wamanishile nakwamba ngayi, “Mutena Wakukatala watendiwilile muntu, kaliha muntu walengiwilile Mutena Wakukatala.

Kaliha batweshele kumukumisha kuli Yeshu ndaba ya likunge lya bantu. Nohobene bakandamine na kuyambulula hayilu ya litala haya ekalilile Yeshu. Oho batubwile litubwa bashezumwishililemo uyo mulume wa kalepa hinga alangana ha wulili wendi.

Haya nikumimonesha mwanga mulimuke ngayi, Mwana Muntu uli na ngovu hano hanci zakuyatila wubi.” Niho ambile ku mulume wa kalepa ngayi, “Nikwamba kukwobe ngayi, katuka, shimba wulili wobe uye ku litala lyobe!”

Shawangu shiti, kwamba ku nou mulume wa kalepa ngayi, ‘Wubi wobe unayatiwili’ hinge ngayi, ‘Katuka ushimbe wulili wobe wende?’

Oho bantu nimwabo hibamona, uya mulume wakatukile, washimbile wulili wendi, pe wanguwangu watutikile. Nohobene bantu nimwabo bakomokele kami bayemezele Nyambi, hibamba ngayi, “Hinga twatanga shilolo tumone shuma shanehe!”