Popular Bible Verses from Genesis 3

Share

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

“Probhu Isorre benaoketʼko otren jiwiyanko modre biń do sanamko khon cạture tahẽkana. Mitʼ din biń do uni maejiue kulikedea, “Isor do cetʼ sạrige bagwanre menakʼ joto dareko reakʼ jo jom doe mana akatʼbena?”

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Unre Probhu Isore menkeda, “Amem uluṅge ona do okoeye lạiyakatʼmea? Am do cetʼ oneń manaletʼme dare reakʼ joyem jom akada?”

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

Adam do acʼren bạhuakʼ ńutum Hawae, dohoketʼtaea (mane do “Jiwetʼicʼ ”), ente uni do sanam jiwetʼ hoṛkoren gogoe hoyokʼa.