Popular Bible Verses from Juan 14

Share

»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ.

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

»K'ĩra piawẽa p'anarãt'ɨ. Tachi Ak'õrepa oorude mãɨnepa chi mɨa oorude ĩjãat'ɨ.

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Chi mɨ pedea ũrik'ari oo bɨpa mɨ k'ɨ̃ria bɨma. Abaɨpa mɨ k'ɨ̃ria bɨpɨra, mɨ Ak'õrepa ichi k'ɨ̃ria baipɨ. Mɨa pida ichi k'ɨ̃ria baipɨ, mãɨnepa ara mɨ ichiá unupiipɨ.

Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ. Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ. Piarã mãrapa mɨne ĩjãa p'anɨ pẽra jõma mɨ t'ɨ̃nepa ɨt'aa chiidiuta mɨa ooipɨ.

»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.

Mɨ Ak'õre baparimá k'ɨda minachia bɨma. Mɨ mãmá wãipɨ mãɨ k'ɨda ooi k'orea mãra pae. Mãɨyawẽpara mɨa jaraiwẽ pasima.

Mɨ mãɨ k'ɨda oode wãipɨra, ya mãicha cheipɨ mãra ateewãi k'orea mɨ ome p'ananamẽrá.

Maamina Tomapa jarasima: —Tai Chipari, atua p'anɨma pɨ sãmá wãit'a. ¿Sãmaasã́ mãɨ o k'awadaima?