Popular Bible Verses from Yohanes 10

Share

Pongolit datakng ongkah bayo honda' mongolitam, mombunuh, mombonasoannam. Apo Aku datakng pakai' moonji'i hidup, ia'an hidup inyo sonang-nyaman.

Aku ninam pongombolo inyo boi'. Pongombolo inyo boi' monyorahan hidupnyo pakai' monyolamant'an boko dombanyo.

Boko domba-Ku mondinga'an saro-Ku. Aku mongonal sia' huatan sia' tuyut Aku.

Aku moonji'i sia' hidup inyo somanah-manahnyo. Sia' cokalo bonaso sampai somanah-manahnyo. Conyiant ado siku' urakng pan inyo ulih morobut sia' doi' jari-Ku.

Aku ninam lawakngnyo. Sotiap urakng inyo mansu' molalu'i Aku, io paca'an solamant. Io paca'an koluar-mansu', monomuan padakng rumput.

Apo Aku ninam pongombolo inyo boi'. Samo agatn Allah Bopai mongonal Aku huatan Aku mongonal Bopai, ubo nian jam Aku mongonal boko domba-Ku huatan sia' mongonal Aku. Aku monyorahan hidup-Ku pakai' monyolamant'an sia'.

Bopai-Ku inyo moonju' sia' ko aku. Sio lobih bokuaso daripado sopo pan. Jadi, conyiant siku' urakng pan inyo ulih morobut sia' doi' jari-Nyo. Aku huatan Bopai-Ku siku'mo.”

Apo Aku ninam pongombolo inyo boi'. Samo agatn Allah Bopai mongonal Aku huatan Aku mongonal Bopai, ubo nian jam Aku mongonal boko domba-Ku huatan sia' mongonal Aku. Aku monyorahan hidup-Ku pakai' monyolamant'an sia'.

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Obai nantai Yesus bopandir agi', “Pondinga'an bobondarcam inyo Ku pandiran ni'in: Aku ninam samo agatn lawakng kandakan pakai' domba nantai.

Urakng upahan, io nian bukainyo urakng pongombolo. Io bukainyo umputn boko domba nantai. Aman io moniant payau datakng, io rari moninggalan boko dombanyo. Lalu payau nantai monorokam huatan boko domba nantai botomboburan.

Yesus ija' bopandir, “Pondinga'an bobondarcam, la'apo inyo Ku pandiran ni'in: Aman ado urakng inyo tamo ko dalapm kandakan domba, apo io kinyo molalu'i lawakng kandakan nantai, umpamonyo io mansu' monoi' doi'dindikng damo noi' doi' tompat bukai, urakng ubo nian urakng pongolit huatan porampok.