Popular Bible Verses from JENESI 17

Share

BEA i he hivagofulu ma hiva ta‘u oe motua o Ebalame nae ha mai a Jihova kia Ebalame, o ne behe kiate ia, Ko au, koe Otua Mafimafi; ke ke eveeva i hoku ao, bea ke haohaoa.

Bea e ikai toe ui ho higoa ko Ebalame; ka ko Ebalahame ho higoa, he kuou gaohi koe koe tamai ki he gaahi buleaga lahi.

Bea teu fakamau eku fuakava kiate koe, mo ho hako e tubu iate koe amui, i he e nau gaahi toutagata, koe fuakava taegata, keu iate koe, koe Otua, bea ki ho hako ki mui iate koe.

Ko au eni, Vakai, oku iate koe eko fuakava, bea te ke hoko koe tamai ki he gaahi buleaga lahi

Bea behe e he Otua, Koe mooni e fanau‘i e ho unoho ko Sela, ha tama kiate koe; bea te ke ui hono higoa ko Aisake: bea teu fakamau eku fuakava kiate ia, koe fuakava taegata bea mo hono hako e hoko mo ia.

Bea teu foaki kiate koe, bea mo ho hako e hoko mo koe, ae fonua oku ke aunofo ki ai, io ae fonua kotoabe o Kenani, koe tofia taegata; bea teu iate kinautolu ko ho nau Otua.

Bea to foohifo ai a Ebalahame ki he kelekele bea kata, o ne behe i hono loto, E tubu ha tama iate ia oku teau ta‘u hono motua? bea e feitama a Sela, aia oku hivagofulu hono ta‘u?

Bea nae behe e he Otua kia Ebalahame, Bea koeuhi ko Selai ko ho unoho, e ikai te ke ui hono higoa ko Selai, ka ko Sela hono higoa.

Bea te mou kamu ae kili o ho mou botu; bea koe fakailoga ia oe fuakava kiate au mo kimoutolu.

Ka ko eku fuakava teu fakamau ia kia Aisake, aia e fanau‘i e Sela kiate koe, i he kuoga totonu i he ta‘u e hoko mai ni.

Bea ko ia iate kimoutolu oku aho valu hono motua e kamu ia, ae tama tagata kotoabe i ho mou gaahi toutagata, ko ia kuo fanau i ho fale, moia oku ikai i hoo fānau, ka kuo fakatau aki hoo koloa mei he muli. Ko ia e tubu i ho fale, mo ia kuo fakatau aki hoo koloa ke ke kamu ia; bea e i ho mou jino eku fuakava, koe fuakava taegata ia.