Popular Bible Verses from लुका 24

Share

अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ, अ़ङ्‌का खानानिन्‌एदा मो य़सुङ। मेन धानाङ्‌का सावा मान्‍तोक्‍त़युक्‍तुम्‌तारि खानानिन ओ यरुसलेम्‌दाङा युङायुङ्‌सानिन।”

येसु ओदा मात्‍द़ङ्‌चि, खोक्‍को म़सुवादाओदाङ्‌का म़खोन्‍तालोन्‍तायुङ्‌सा! गालिल्‌या म़युङाङाहिदा खोक्‍कोसाआ खानानिन दे ऩलोन्‌युङ्‌सिन्‌ओ मो मित्‍तानुम। खोक्‍कोसाआ ‘अ़ङ्‌का म़नाओ अ़छा हेवा कामु म़नाचिओ अ़चुछुक्‌दा छुक्‍ङा खोन्‍कि क्रुस्‌दा ऩख़न्‍ङासेत्‍ङा खोन्‍कि सुम्‌कालेन्‌दा लाङाखोन्‍ङालोन्‍ङा’नि म़य़ङा।”

मोन्‍ग़रिए मोचिओ अ़चुम़क होआ, खोन्‍किना मोचिआ येसु अ़सिन्‍ताचु। मेन खोक्‍को खोचिएदाङ्‌का म़मासान्‍केसान्‍चिन। मोचि अ़क्‍छा निएदा सेन्‍कासेन मुवाचि, “खोक्‍को आन्‍काचिएनान लाम्‌दा म़हान्‍ताङाहिदा खोन्‍कि आन्‍काचि साम्‍कालिन अ़फोङ्‌सा पुवाङाचिहिदा दि आन्‍चुओ साकोङ्‌वा हाक्‍हाक्‍हाक्‌वा मान्‍लि कि?”

खोन्‍किना साम्‍कालिन तुप्‍मा निकि खोसाआ मोचिओ अ़चुतुप्‍माताया म़होत्‍तुप़चिकि मोचि म़लोचि, “ओवात्‍नि छाप्‍तायुङ्‌सा: ख्रिस्‍तआ दुखा आङ्‌मादोत खोन्‍कि सुम्‌कालेन्‌दा सुवादाओदाङ्‌का खोन्‍मालोन्‍माङादोत, खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

मोचिआ एप्‍माओ अ़दो दिप्‍खा लुङ्‌ताक ध़साखाइसायुङ्‌साओ अ़धिरा। मेन मोचि एप्‍माहुत्‌दा म़वाङाहिदा हाङ्‌पा येसुओ अ़चुस़पोक मान्‍धित्‌अ़दा।