Popular Bible Verses from युहन्‍ना 13

Share

अ़क्‌तात अ़ऩङ्‌वा लोमाय़ङ अ़ङ्‌का खानानिन प़नानिन: खानानिन अ़क्‍छा निएदा सोमातुक्‍कातुक मुवानिन। खानानिन अ़ङ्‌का देत्‍नि सोमातुक्‍नानिन, खानानिन्‌आछाङ अ़क्‍छा निएदा मोवात्‍निङा सोमातुक्‍कातुक मुवानिन। खानानिन्‌आ अ़क्‍छा निएदा सोमातुक्‍कातुक त़मुन्‌नालो ओवात्‍नि झारा म़नाचिआ खानानिन अ़ङ्‌काखेङ्‌पाचिओनि अ़सिन।”

अ़ङ्‌का आम्‍नुओ हाङ्‌पा खोन्‍कि आम्‍नुओ काचिन्‍पा लिसाङ्‌किछाङ अ़ङ्‌का आम्‍नुओ लाङ्‌थेम वास़ङ्‌नालो खानानिन्‌आछाङ मोवात्‍नि अ़क्‍छा निएदा आम्‍नुओ लाङ्‌थेम वास़त्‍प़मुमादोत। अ़ङ्‌का खानानिन अ़क्‌तात अ़मात्‍ऩङ खाङ्‌मेत्‍नायुङ्‌नानिन, खोन्‍कि अ़ङ्‌का देत्‍नि आम्‍नुओ निम्‍पाङ चुवाङ, खानानिन्‌छाङ मोवात्‍निङा चुवानिन।

येसुआ मो अ़लासालोवा, “अ़ङ्‌का दे च़ङाङा खाना ओन्‍ग़रि त़सिन्‍तुन, मेन माय़ङ त़तुप्‍तु।”

अ़नुछ्‍याङा अ़ङ्‌का खानानिन लोनानिन, हारुक अ़हाङ्‌पाएदाङ्‌का तोक्‍पो अ़लिनिन, खोन्‍कि य़ङ्‌खान काखात य़ङ्‌खान काखान्‌दाङ्‌का तोक्‍पो अ़लिनिन।

खानानिन ओ य़ङ्‌चि त़तुप्‍तुम्‍च़म। हान मो त़मुम्‍च़म्‌नालो खानानिन आसिखा त़तोक्‍तुम।

खोन्‍किना खोक्‍को चा-चाखादाङ्‌का म़पुवालोन्‍ताकि अ़दुङ्‌दाओ अ़चुतित अ़हुराकि अ़क्‌तात मुन्‍जेत अ़चुछुमाय़क्‌दा अ़रिप्‍ता। खोन्‍किना खोक्‍कोसाआ खुङ्‌दा चाक्‌वा अ़लेन्‍ताकिना अ़चुकाखेङ्‌पाचिओ अ़चुलाङ्‌थेम वास़मा अ़पुङ्‌सा, खोन्‍कि अ़चुछुमाय़क्‌दा अ़रिप्‍ताओ मुन्‍जेत्‌आ मोचिओ अ़चुलाङ्‌थेम त़क्‍मा अ़पुङ्‌सा।