Popular Bible Verses from Jan 19

Share

Jesu n den fua mi ñinmiligima yeni, o den yedi: «Likuli tieni ki dudi.» Lani, o den tibini o yuli, ki cabi o naano ki kpe.

Li yaa puoli, Jesu n den bani ke li bonla kuli tieni ki dudi, o den yedi: «U ñuñuunu pia nni.» O den yedi yeni ke yaala n diani i Diani nni n tieni ki dudi.

Jesu n den laa o naa leni wan bua yaa ŋoadika ke o se leni o, o den yedi o naa: «Pua, no a bijua.» Lani, o den yedi o ŋoadika yeni: «No a naa.» Lanyogunu liiga, laa ŋoadika den kubi Jesu naa o denpo.

Ama ban den pundi Jesu kani ki sua ke o peli ki kpe, baa den kua o taana. Bi toatieba siiga nni yendo den muu Jesu logili li kpaanli. Lanyogunu mi soama leni mi ñima den ñani likani.

Lani kuli den tieni yeni, ke i Diani n kua: «Bi kan kua o kpaba siiga ba yenli.» I Diani go yedi kaanto: «Bi baa diidi ban den muu yua.»

Jesu den bugi o dapoanpoanli, ki ñani u dogu nni ki ban caa ban yi yaa kaanu “ku Yukuokuogu kaanu.” Hebilu maama nni, bi yi u Goligota.

Bi toatieba den taa i konkoni ki piani nani ki badifogiliga yeni, ki cibini o, ki go golini o bu kpalimoanbu.