Popular Bible Verses from Mateo̱ 6

Share

»Najmi xi ꞌñu chjiꞌe, tibéjnu yajo̱jnu nga Namiña Diuu̱ xi tukuitse xta̱xá tetjun, ku tikitjusúnjnu najmi xi minengijnu. Namiña Diuu̱ xi bé mí chuba̱ nga tsjuájnu najmi xi inchamachjénjnu.

Kui kju̱a̱, tu̱ nindusinjínjnu yajo̱jnu najmi xi ku̱ma nchajún. Jaskan kju̱i̱chu ngu ni̱tjin nga ñaꞌánjnu kui najmi. Tikjaitsjénjnu nga je tse kju̱a̱ndusin tjinña nga̱tꞌaꞌe kju̱a̱si xi tjin nga nchajun nga nchajun.

»Kuajícha nikjojnu mí xi chineña kjatꞌei, mí xi ꞌyúña, mí xi chajáña. Nga ꞌbema mítsa tu tjibichitse, ku Namiña Diuu̱ nga kitsindá yajo̱ña mítsa ngatu̱ najñútse baja.

»Nga tjin xi jña tjimajnu minengire kju̱a̱ndá Namiña Diuu̱, ngatsiꞌin suba. Ngatjai kuarto̱ꞌe̱, ngatꞌechja kjinde̱tju̱a̱ ku kꞌi̱a̱ ngatinengire̱ kju̱a̱ndá Namiña Diuu̱, xi Namijnu, nga̱tꞌa kuí, tsjuá kju̱a̱ndá nga chjinengire ndatsa jma ꞌma.

»Ku̱i̱cha tsubáre̱ nukju̱atꞌájnu Namiña Diuu̱: “Jí Namiña xi tijniji̱ ndi̱u̱jmi: ngieje xu̱ta̱ ngatsibé yajo̱ꞌe nga ji xi Diuu̱ xi kju̱a̱xikjáinji. Jabí ku tu̱ jítse tatexumaijni̱. Ngieje xu̱ta̱ xi tjima ngasun kui nangi ngatꞌéri en, xukúcha tꞌe énri xi sindu ndiu̱jmi.

Titjuéjni xi chine nga nchajún nga nchajún.

Tichatꞌáijni kju̱a̱xaba xi ñaꞌánjni, xukúcha nichatꞌájni xu̱ta̱ xi tsꞌijúnni̱ kju̱a̱xaba.

Ku nga ndiunitsjéiji kui nga̱sunde, ngatu̱ yujíri nga kju̱a̱xaba tsikjínjni ji, ngatu̱ baꞌijí kju̱a̱ nga tsiꞌinjni ngaꞌñuꞌen xindajin.”

»Tsa jún xi nichatꞌájnu kju̱a̱xaba xi tsꞌijúnjnu xu̱ta̱, tekuácha tsichatꞌájnu Namiña Diuu̱jni xi kjitjián ndi̱u̱jmi.

»Chaséjnu ni̱se xixi xi tjimatje̱n. Ngují najmi inchabeꞌe ku te̱ ngují najmi inchafangá, te̱ ngují tutje inchafaya ngaya niꞌya nijín. Ta̱nga Namiña Diuu̱ña, xi tjián ndiu̱jmi, tjitsjuáre najmi xi machjénre. ¡Ku jun ngisa ꞌñu chjiꞌéjnu ngisa nga kui!

»Tuyají nga ton, nga najmi xi chjí ꞌbetkujnu. Fitsun kui najmi kútsa xabí basꞌenre̱ ku tsichajá. Ta̱nga te̱ ma tsanga chejé basꞌen ku fueju̱. Ngisa ndá nga ndiu̱jmi ꞌbetkujnu ton, najmi xi chjí. Kꞌi̱a̱kua tsamí xi fitsun ku najmí xabi xi tsichajá. Ku te̱ majín basꞌen chejé ku fueju̱. Tikjaitsjénjnu nga najmi xi chjí xi kju̱a̱xikjain kjiá nga ngieje anima̱jnu nuꞌyaꞌenjnuꞌan.

»Ngují musu xi tujña jó ndi̱a̱ ma tsixajo, nga̱tꞌa tutsjai nga ngúxi ndá tsiꞌin xki̱ kútsa ꞌñu tsitjo. Ku tekuácha jún, majín tsa najmi xi chjí ku Namiña Diuu̱ tujña ñaꞌánjnu xki̱.

»Tsanga naxu kuácha tsjua tsikún Namiña Diuu̱, xi tu̱ ngutjútse tjima, a ngisají tse kju̱a̱ndá tsjuájnu jún. ¡Tebaseꞌan nga kjie majínjnu nisꞌejín Namiña Diuu̱!

»Tsa tjin xi tjimajínjnu kꞌui xi minchaju xu̱ta̱ xi ni̱ma̱ tjima, nga tu̱ ngují xi ngatsuyare̱. Ku̱a̱cha kumá nga sꞌe̱ꞌma kui kju̱a̱ndá ku Namiña Diuu̱, xi ngují najmi tjiꞌmáre̱, tekuácha tsjuájnu kju̱a̱ndá.

»Nga mejénjnu nga ngu najmi xi ndá ñaꞌánjnu, nga tu̱ kuijí najmi nukju̱a̱jnu jma ꞌbemájnu; tsa nukjuajnu Namiña Diuu̱jni ngují kju̱a̱ndá tsjuájnu.

»Nga jún xi kjindiá nikjaꞌájnu yajo̱jnu, ngatu̱ ngijí ꞌbendújnu ngakjainjún, xukúcha tsiꞌin xu̱ta̱ jóngakjain. Kui xu̱ta̱ tsjuáre nga tjin xi bé nga kjindiá inchatsikjaꞌa yajo̱ꞌe. Ta̱nga nga kju̱a̱xikjáin tukuitse najmi xi sakúre. Nga jún xi nikjaꞌájnu kjindiá yajo̱jnu ndá tasenjíjnu tsjatkujún ku tekuácha ndá titsjéjnu ngakjainjún, tuxi najmí xu̱ta̱ bejí nga kjindiá tjinikꞌatiújnu yajo̱jnu. Tujmá Namiña Diuu̱, xi Namijnu, xi bé ngieje najmi xi ꞌma tsuba, sku̱e̱ nga kjindiá tjinikꞌatiújnu yajo̱jnu ku kui xi tsjuájnu kju̱a̱ndá.