Popular Bible Verses from Za 19

Share

Yeesu wunwa viinyi nkakutu, i wusë tubë : « Make mooso mavangënë! » Fa foofë, naandi wubecikë n'tu, i wusë fwa.

Kumanë ofo, abu Yeesu kuzaabë ti, buyifanwabu, makë mooso mavangënë, mu kudedikini mo mësonëmë : « Miinu m'pwiilë. »

Yeesu wumonë mamaandi i fë kumë lyaandi, cilaanzi cyo naandi kulëzolaangë. Naandi wusë kaambë mamaandi : « Ama, mwanaaku naandyoowo. » Naandi wusë kaambë yivaandi cilaanzi : « Mamaaku naandyaawu. » Munë zoolë beenë, cilaanzi cisë n'natë ku n'zwaandi.

Bunë bëtuuci fëke Yeesu, baawu bisë monë ti naandi wabë wafwa, bwaawu bëleembu kum'bokënë maalu. Kasi lisodaadi limweekë lin'tobulu luvaati mu lyoongë i meengë i masi mësë basikë mo mu vyaasi mweekë.

Licyelikë, lyalyooli liyisilë bwiinji manë mësonëmë mëvangënë : « Baawu bësë kum'bokënë wosuku n'veesi kuve. » Mu n'kukë wu meesë wutubooso : « Baawu bësitikë ntalwaawu ke wo bëtobulë luvaati. »

Naandi wunatë naveekë kuluuswaandi mu kubasikë ku livulë i kweendë ku nkoonzu bëlëteelë: « Cidokusu ci n'tu » — bën'teelë « Ngolëgota » mu mbeembu Siyebelee.

Mësodaadi bisë futë ntaatë siseendë i bisë n'vwiikë fë n'tu, baawu bën'vwiikë yivaandi ciyuungë ci beengë.