Popular Bible Verses from Juan 8

Share

Jesús chacadápo ayorébui ore rĩ enga chojninga: –Dírecaringuéi u uyu iji erámone udojo. Ujetiga gosi tangaripísi yacajnaquéode quigode enga uté gosi u uje déji dírecaringuéi. Enga pucuecaringué eyúgojmai gajnesṍri u uté gosi. Enga a ca digapóji ijnangununie jne rĩ.

Enga a arajáyo cucha uréone udore enga gajnui u ujetiga chijnime uaque iji uacasasórone jmainie.

Jecute Jesús cho judíode ore quique uje ore changureta enga chojninga: –Ujetiga adotáyo uáguiji yacajnaquéode enga obiréjna uje yanguresõripísode u uaque.

Ujetiga Dupade Abi uyu yirame uaque jne enga a ca pisijnaringuéone suépo uacabáyode jne rĩ iji deréjnane.

Mu jé ore ate dadi uje ore catecã́ri Jesús uje ore chojninga: "¿Jé o ringome chequé udaque?" Mu Jesús chipotingarápo re rĩ enga chojningame ore: –Ujetiga íjnoque uacuñeque isijnaringuéone enga bajaque uté gosi jne ujetiga chisa cucaranéraque ga chatingare chequé ome doidéraque cucarané.

Jesús cho quique daruode enga chojninga: –Jé ũré yu ome yuruode. Ujetiga gosi pésu pisijnaringuéone enga pisijnaringuéone isaque gosi.

Jé u uje Jesús chipotingare re aja gaté. Enga que chimo ayorérique. Gusu chequé iji charidi. Jecute catecã́ri, enga chojninga: –Chequé a, ¿jnanione ucode jé ore déji rique uje ore chaguhéta cuchade babai? ¿A ca uñeque chatingare ua que a?– Enga chequé chojninga: –Que uñeque chatingare yu que.– Jecute Jesús chojninga: –Adi jé u yadi uje a ca yo yujuñame ua to jne. Mu bo ga ca apésapo cucha gajnarétique jne rĩ.