Popular Bible Verses from ENTANDIKWA 27

Share

Katonda akuwenga ku musulo oguva mu ggulu, era agimusenga ennimiro zo. Akuwenga eŋŋaano nnyingi n'omwenge ogw'emizabbibu mungi. Abantu bakuweerezenga, n'amawanga gakuvuunamirenga. Ofugenga baganda bo n'abaana ba nnyoko bakuvuunamirenga. Buli akukolimira akolimirwenga, era buli akusabira omukisa, naye gumuweebwenga.”

Esawu n'agamba nti: “Si kyeyava ayitibwa Yakobo? Lyamutuukira ddala bulungi, kubanga guno omulundi gwakubiri ng'atwala ekifo kyange. Yanzigyako obukulu bwange, ne kaakano laba anzigyeeko omukisa gwange.” Awo n'agamba nti: “Nze tonterekeddeeyo ku mukisa?”

Awo Yisaaka kitaawe n'amuddamu nti: “Ennimiro zo teziibengamu bugimu, era toofunenga musulo oguva mu ggulu. Oneeyimirizangawo na kitala kyo, era onooweerezanga muganda wo. Naye bw'olyesumattula, olyeyambula ekikoligo kye mu bulago bwo.”

Esawu n'awanjagira kitaawe nti: “Olina omukisa gumu gwokka, taata? Mpa nange omukisa, ayi kitange!” N'aleekaana nnyo, n'akaaba.