Popular Bible Verses from मत्ती 8

Share

तिणीऐ तिउंलै बोलौ, “ओ अविश्वासी लोगुऔ, कैलै डौराई?” तैबै यीशुऐ उठीयौ बागुर और पाणी डांटै, और सब शान्त हुई गौ।

रोमी आफसरै ज़वाब दैऔ, “ओ प्रभु, हाऊं इणै लायक नाईं कि तू मैरै घौरा कै आश कैलैकि हाऊं यहुदी नाईं ऊ, पर सिरफ आपणै मुंआ कु बोल ता मैरौ नुकुर ठीक हुआ सा।

इणौ शुणियौ यीशु कै हैरानी हुई, और ज़ो यीशु पिछ़ु थै आशदै लागै औन्दै तिऊं लै बोलौ, “हाऊं तुमुलै सौच़्च़ौ बोलाऊ कि मुंइऐ इस्राइला रै लोगु मांझ़िऐ इणौ विश्वास नाईं देखौ।

तैबै यीशुऐ आफसरा लै बोलौ, “घौरै डेऊ, ज़िणौ तैरौ विश्वास आ, तिणी ई ताउंलै औआ।” और तेसरौ नुकुर तेबी ई ठीक हुई गौ।

और सै हैरान हुईऔ बोलदै लागै, “एऊ किणौ आदमी आ कि बागुर और पाणी भी एसरौ हुकम माना ई।”