Popular Bible Verses from मत्ती 7

Share

“मान्घगे, ता तुस्सा जो दितेया जाणा; तोप्घे, ता तुस्सा पाणा; खटखटान्घे, ता तुस्सा रे कठे खोल्ही दितेया जाणा।

क्यूंकि जो कोई मांघ्हा, तेस जो मिल्हा, होर जो तोप्हा, से पाहां; होर जो खटखटाहां, तेसरे कठे खोलेया जाणा।

“इधी कठे जो कोई मेरी ये गल्ला सुणी किन्हें तिन्हा जो मन्हां, तेस बुद्धिमान माह्णुं साहीं बणना जिन्हें जे आपणा घर चटाना री निंऊँआं पर बणाया।

इधी कठे जो कुछ तुस्से चाहें कि, माह्णुं तुस्सा साउगी करहे, तुस्से भी तिन्हा साउगी तेह्ड़ा ई करा; क्यूंकि मूसा री व्यवस्था होर नबिया री उपदेस रा मतलब येई आ।”

क्यूंकि संगड़ा आ से फाटक होर संगड़ा आ से पैंडा जो अनंत जिन्दगी री तरफ लई जाहाँ, होर थोह्ड़े ई ऐं जो तेता जो पाई लैहां ऐं।”

“संगड़े पैंडे ले हुई किन्हें तुस्से परमेसरा रे राज मन्झ जाई सके, क्यूंकि से फाटक चौड़ा, होर से पैंडा असान आ जो बरबादी री वखा जो लई जाहाँ, होर बौह्त एह्ड़े ऐं जो तेता ले हुई किन्हें अंदर जाहें।

जेब्की तुस्से बुरे हुई किन्हें, आपणे बच्चेया जो खरी चीजा देणा जाणहां ऐं, ता तुस्सा रे स्वर्गीय बापू आपणे मांगणे वाल़े जो खरी चीजा कि नी देणी!

7 “न्याय मत करहा, ताकि तुस्सा रा भी न्याय नी हो। क्यूंकि जिहां तुस्से न्याय करहे, तिहां ईं परमेसरा भी तुस्सा रा न्याय करणा, होर जेस नापा किन्हें तुस्से नाप्हा ऐं, तेस ई नापा किन्हें तुस्सा रे कठे भी नाप्या जाणा।”

पर जो कोई मेरी ये गल्ला सुणहां होर तिन्हा पर नी चल्दा, से तेस नर्क्कले माह्णुं साहीं बणना जिन्हें जे आपणा घर रेते री निंऊँआं प्रयाल्हे बणाया।

“तू किधियो आपणे भाई री छोटी जे गलती जो देख्हा, होर आपणी बडी गलती तुजो नी सूझ्दी? होर जेब्की तेरी आपणी गलतिया कितनी बडी ई, ता तू आपणे भाई जो किधियो बोल्हा कि ‘हाऊँ तेरी छोटी जे गलती ठीक करूं।’

“झूठे नबिया ले चतन्न रहुआ, जो नुकसान पुजाणे वाली भेडा रे भेसा मन्झ छुपिरे, पर अंदरा ले स्यों नुकसान कुराणे वाल़े भेड़िये साहीं ऐं, तिन्हारे कामा ले तुस्सा स्यों पछ्याणी लैणे। क्या झाकड़ा ले अंगूर, या कांडे ले अंजीर तोड़े जाहें?

एथी तक कि हरेक डाल खरा फल ल्याहूंआं होर बेकार डाल बुरा फल ल्याहूंआं।

खरा डाल बुरा फल नी ल्याई सक्दा, होर ना बेकार डाल खरा फल ल्याई सक्दा।

जो-जो डाल खरा फल नी ल्याऊन्दा, तेस जो काटेया होर आगा मन्झा पाई दितेया जाहाँ, इंहां ही झूठे नबिया साउगी हूंणा।