Popular Bible Verses from ɛLuka 8

Share

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

iHywee de ne ihywɛ kɛ ne ho ne itsutsɔ ba ne so tɛ ninyi nɛ nibhɛ kɛ phok ibol de; icwas ɛzay, ne iryat, ne ɛnggɔnggɔɔt ɛzay ne kyii harap nibhɛ, ifɛ ring nibhɛ ne yɛk ibɔrɔk.

iHywee de ne ihywɛ kɛ ne ho ne nkinkang ngge, ne so tɛ ninyi nɛ nibhɛ kɛ phok ibol de, nibhɛ shii say iphɛ ne irway ihwala. Sɔng iphɛ ne kyii lel nibhɛ kyukyum nang; nibhɛ ne say iphɛ daa yaay, ne sɛ ɛngbyingbyang sɔng te sɛ nibhɛ, nibhɛ ne kyi shii hana iphɛ.

ɛYɛso gha ne ji yaak ninyi ɛbhɛ na, “ìNang ne iTin mon de so ɛbii?” Nibhɛ ne wum ɛnik, nibhɛ yaa kparat; nibhɛ ne jii bol ndɔ nibhɛ, nibhɛ bo, “Ji ta so ɛya ɛnyi ghaa woo? Ɛ kɛ yɛk igbil lɛ, gbik ne inɛn wu tɛ nibhɛ kyinak, nibhɛ ne roos ɛbhɛ nɛ.”

iHywee de ne ihywɛ kɛ ne ho ne nkiinɛ wo ne so tɛ ninyi nɛ nibhɛ kɛ phok ibol de, ɛShɛtan ne shii yɛɛs, ɛ bo iphɛ ndɔ ne irway nibhɛ, tɛ nibhɛ sang nang ne itin nɛ, nibhɛ phɔrɔt.

“Gbik ɛkɔn na ne kɛ rɛɛ, yaa ne phaal ɛbhɛ, ɛhaa ne kɛ ne cwaal, yaa ne phaal ɛbhɛ.”

ɛKuk ka ne yaang kɛ sɛng ɛbhɛ, ne ɛ wuru, ɛɛ kparat, dɛdɛk, ɛbhɛ ho ɛYɛso yegha ne itiita. ɛNggyɛ wo, ɛnu ɛyisɛ ninyi na, ɛ tɔng ɛYɛso yegha ɛkɔn na ne ɛ kɛ te ɛ dat iwusang ne ɛtura ɛbhɛ de, ɛ ta tɔng ɛli ne ɛ kɛ shii te ɛken na. ɛYɛso gha ne yaak ɛbhɛ, “ɛLap! ìNang ne iTin mo de kɛ phɔt tɛ. Cwi me ncaang.”

Ninɔn ne icwam ma ne bhɛ seme ɛYɛso yegha, nibhɛ yaak ɛbhɛ, “ɛKyɛɛ! ɛKyɛɛ! Njwɛɛn yaa kus!” ɛYɛso gha ne seme, ɛ sit igbil lo, ne inɛn ne tɔɔsek ghe da ne ɛbung; igbil lo ne inɛn ba ne kyinak, ɛlɔ yɛ ne yɔng ɛyak.