Popular Bible Verses from Yohane 6

Share

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Mumɔ lɛ ji mɔ ni hãa wala lɛ; heloo lɛ ehe bɛ sɛɛnamɔ ko. Wiemɔi ni mikɛ nyɛ wie lɛ, mumɔ ni, ni wala ni.

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yesu here nɔ ekɛɛ amɛ akɛ, “Nyɔŋmɔ nitsumɔ lɛ nɛ, akɛ nyɛhe mɔ ni etsu lɛ nɔ nyɛye.”

Mɛi fɛɛ ni Tsɛ lɛ kɛhãa mi lɛ aaaba miŋɔɔ, ni mɔ ni baa miŋɔɔ lɛ, mishwieŋ lɛ kɔkɔɔkɔ.

Simon Petro here lɛ nɔ akɛ, “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Mɔ ko nyɛŋ aba miŋɔɔ, akɛ ja Tsɛ lɛ ni tsu mi lɛ gbala lɛ dã, ni mi lɛ matee lɛ shi yɛ naagbee gbi lɛ nɔ.

Ejaakɛ Nyɔŋmɔ aboloo lɛ ji mɔ ni jɛɔ ŋwɛi ekpelekeɔ shi ni eŋɔɔ wala ehãa je lɛ.”

Mi ji wala aboloo lɛ.

Ni Yesu kɔlɔ aboloi lɛ, ni be ni eda shi lɛ, eja ehã mɛi ni tara shi lɛ, kɛ loi lɛ hu eko, bɔ fɛɛ bɔ ni amɛtaoɔ. Be ni amɛtɔrɔ lɛ, ekɛɛ ekaselɔi lɛ akɛ, “Nyɛbuaa fufuji ni eshwɛ lɛ anaa, koni nɔ ko akalaaje.”

Be ni amɛwiri aaafee shitoi etɛ̃ loo ejwɛ lɛ, amɛna Yesu ni enyiɛ ŋshɔ lɛ hiɛ ni eebɛŋkɛ lɛlɛ lɛ, ni amɛshe gbeyei. Shi ekɛɛ amɛ akɛ, “Miŋ, nyɛkashea gbeyei.”