Popular Bible Verses from Luka 8

Share

Cuorasala lyiphaa lie a tlapa saciy ca, Khazing bie kha thyi yite, a patuv yite a dangna hne pathiypalung phya phana hneta thyi a pathyina te ta a hringkhyipa tie ta ama cuo.

Ahling hrawlie a tlapa saciy ca, Khazing bie kha thyi yite, cuorasala palung riethyina, hnyirungna hne a nuona zaw ta ama hringna kha kalaa yite khatiy tahmuo ama thyi a hming buo lipa tie khata ama cuo.

Lungdaa lie a tlapa saciy ca, Khazing bie kha thyi yite palung tluosa pata a cuhluopa tie khata ama cuo. Cuorasala ama palung chung luo a thuvpuv ta a ngie li nakawta cuokha chung dyi zang yite dyapasyana cuo a vya chiy tiyta a lie pakhaa paluopa tie ta ama cuo.

Ama ta, “Nama zangna ca khaalie ma a aw?” a ta yi. Iema ca ciysa yite ama nang ta a uo; pakha hne pakha kha, “Hingpapaa hing ahung tama a cuo? Thliychie hne tiylaw kha naw pi te a ri amaa ngie!” amaa ta.

Luopuv lie a tlapa saciy ca Khazing bie kha ama thyi raalaa pata, Setaa kha a vaw te ama zang li riypa hne khuopa ta ama cuo li riypata ama palung chung taata Khazing bie kha a lapa pa tie ta ama cuo.

“Tahematapakieca suokha hmuo nupa cuo li'a pata suokha hmuo buvkhungpa cuo'a vyi. A paruvta tuepa hmang bangkhuo ca khena luo papya pata pachangpa hne hmungpa ama cuo aa.

Cawsaanung ta ama kha a hmung ca a nu khu li tli pata a cathangsapuo pata Zingsuv phyi thabaw lie kha a vya bu te cawsaa bangkhuo hmielie ca khaapa nakawta ma Zingsuv kha a hriepa tahne sungkhabala ta a tluonapa kaw kha a ri. Zingsuv ta, “I sacanung, na zangnapa na caa patluo sa. Hnaanguosa pata cakuo tie,” a ta.

Ziytuv tie ta Zingsuv kha va pathu yite, “Abyipa, Abyipa! Vuotaa ma thiy diy'a nang pa hing!” ama ta. Zingsuv ca kya thu te thliychie hne tiylaw kha a chuo yi. Die yite zezaw bangkhuo kha a die siyliy.