Popular Bible Verses from Luka 5

Share

Bieri a patlung taata Simon kha, “Na sawkawpalaw hing tiy a thuv viena luo hnyi la naa sue kha vaa tie,” a ta.

Simon ta, “Abyipa zuokhydyi ma vaa law pata sakha hmuo pa-uo va puv. Cuorasala vaa ungla malie na ta kieca i vaa'a tle,” tapata a palie. Ama vaa ca ngaa a hluv hringhruo ama pa-uo nakawta amaa sue ca a tlaa puo diy'a nang.

Cuorasala Zingsuv ca dya zuvpathla te ruoduona luo kha cakuo te thlaa a chuo.

Aa dangpa tie ku riypata a zuv va ang, a suepa tie ama suenapa pangiesapachiy riypatana i vaw,” tapata a palie yi.

Simon ta khapa hmang kha a hmung tiyta, Zingsuv phyi thabaw lie kha a pakhuv pane te, “Abyipa, na cakuo se tie! A suepa tana i cuo!” a ta.

Zingsuv ta, “A tluopa ca siybyi a hu vayi, cuorasala a pasapa tie dyina a hu yi.

Ama sawkawpalaw ca ngiekuo lie kha chi yite, ama chechiy bangkhuo kha thuse yite Zingsuv ca ama ziy.

Luokha ca Zingsuv kha khypuv suokha lie a awpa ta capa khy lieca caahminghmaa a phyapapaa kha a za aw. Capapaa ta Zingsuv kha a hmung tiyta, a hmiekunglie kha a bu te, “Abyipa, na khingpa ta a cuo kieca ina patluo sa khu ciy,” tapata a nue. Zingsuv ta a kuv ta va paza te a hrie. “Ica patluo sa khing, Pathe tie! a ta. Sungkhabala ta a tluo.

Cuorasala Zingsuv thuohlaa ca a pathuo hryly, cawsaazaapuv ta a bie naathlie riypa hne ama pasana taata patluo sapa cuo riypata ama vya pangie.