1
Jọn 7:38
Ạḍinya Iigbia
Ịdipho ọge bọ pạ ạḍinya iigbia phọ, ‘Ạmuum aghuḍum kạḍua ologhi oye phọ ọpo umeeraam bọ ịmi kụ akilogh amiteghu ịdipho ạriphiiny.’”
Compare
Avasta Jọn 7:38
2
Jọn 7:37
Ḍigbogh aḍio ẹyaal phọ kemuneen bọ, ạJizos aḅetenu ạmeera kụ ạlooghi mọ, “Ọlo ạmuum rạpu aru ụteeny ịmi ạphughol!
Avasta Jọn 7:37
3
Jọn 7:39
ẠJizos ạghaaph ịphen phọ ịlo Uwaloor Iigbia phọ ọpo bụphe omeeraam bọ nyọdi kọmoogh bọ. Mem mọ ạmuphe phọ kọ̋ngo Uwaloor Iigbia phọ, ịdi eḍighi bọ kőgananami eghuan phọ ạJizos.
Avasta Jọn 7:39
4
Jọn 7:24
Kẹ́sighe ghan riḍien bịn esophom ọoruen. Ịnaghan ghan ọnhu aḍighiton phọ kụ.”
Avasta Jọn 7:24
5
Jọn 7:18
Oye lọ rạkaaphom ghan ịitughian ologhi ọdi bịn rạwa ghan rughuenian. Kụ ọlo rạwaanaan eghuan ọpo arom bọ nyọdi, pọ ọgbaam igey dị iguegue ụ́ḅaram.
Avasta Jọn 7:18
6
Jọn 7:16
Kụ ạJizos mọ, “Ịphen mị rạtughemi bọ kị́lo ạmi, ịḍua esi Ẹnaan phọ irom bọ ịmi kụ eru.
Avasta Jọn 7:16
7
Jọn 7:7
Aḅirini phọ kátue ịlogh inyina ḍien, kụ mị ghụn kụ ẹdi ạlogh ḍien, ịdi eḍighi bọ mị rạḅeni ghan ni mọ iiḍighi phọ ọdi ị́nighe.
Avasta Jọn 7:7
Home
Bible
Plans
Videod