Popular Bible Verses from 1. Mose 26

Share

Hool die en disem Launt opp, un ekj woa met die sennen un die säajnen; dan die un dienem Somen woa ekj aule dise Lenda jäwen, un ekj woa däm Eit opprajcht hoolen, däm ekj dienem Voda Abraham jeschwuaren ha.

Un ekj woa dienem Somen vemieren aus de Stierns aum Himmel un dienem Somen aule dise Lenda jäwen; un en dienem Somen woaren jesäajent woaren aule Nazionen de Ieed: Doafäa, daut Abraham miene Stemm jehorcht un miene Väaschreften beacht (jehoolen) haft, miene Jebooten, miene Sazungen un miene Jesazen.

Un hee muak sikj von doa opp un groof eenen aundren Borm, un äwa disem streeden see nich; un hee jeef am däm Nomen Rehobot un säd: Dan nu haft Gott ons Rum jemoakt, un wie woaren em Launt fruchtboa sennen.

Un de Har erschien am un säd: Go nich rauf no Ägipten; bliew em Launt; bliew en däm Launt, von däm ekj die saj.

Un hee bud doa eenen Aultoa un roopt däm Nomen Gottes aun; un hee schluach doa sien Zelt opp; un de Kjnajchts von Isaak growe doa eenen Borm.