Popular Bible Verses from - यूहन्‍ना 8

Share

यीशु ने फिन लोगन से कई, जगत की ज्योत मैं आंव; जौन मोरे पाछें चल है, बो अन्धयारे में नईं निंग है, परन्त जीवन की ज्योत पा है।

और तुम सत्य हां जान हौ, सत्य तुम हां छुटकारो दै है।

तब यीशु ने उन यहूदियन से जिन ने ऊ पे भरोसा करो हतो, कहन लगे, जदि तुम मोरे कहबे जैसो कर हौ, तो सांची में मोरे चेले कहा हौ।

ई लाने अगर पूत तुम हां छुट्टा कर है, तो तुम सांची में छुट्टा हो जै हौ।

जब बे बेर बेर ऊसे पूछत रए, तो ऊ ने सूदे ठांड़े होकें उन से कई, तुम में से जीने कछु पाप नईं करो होबे, ओई सब से पेंला ऊहां पथरा मारे।

यीशु ने उन से कई; मैं तुम से सांची सांची कहत आंव, जौन पाप करत आय, ऊ पाप कौ चाकर आय।

तब यीशु ने सूदे ठांड़े होकें ऊसे कई, हे बईयर, बे किते गए? का कोऊ ने तोय दण्ड कौ हुकुम नईं दओ? ऊ ने कई, कोऊ ने भी नईं प्रभु, तब यीशु ने कई, मैं भी तोय दण्ड कौ हुकुम नईं देत; जा, अब फिन पाप न करियो।