Popular Bible Verses from Маттай 16

Share

Андан сора Исса сохталарына: «Мени ызымдан келирге сюйген адам, кесин унутсун да, кесини къачын алып, Мени ызымдан келсин.

Мен да санга айтама: сен Петерсе эм бу ташны юсюнде Мен жамауатымы къурарыкъма; ахыратны къабакълары аны хорларыкъ тюйюлдюле.

Эмда Кёклени Патчахлыгъыны ачхычларын санга берликме; сен жерде не байласанг, ол кёкледе да байланырыкъды; эм жерде нени эркин этсенг, ол кёкледе да эркин этилликди», – деди.

Нек десегиз кесини жанын сакъларгъа сюйген адам, аны жояр; Мени ючюн жанын жойгъан адам а, аны табар.

Адам битеу дунияны алса да, кесини жанына уа заран салса, анга не файда? Неда адам кесини жанын не берип жулалыр?

Ол алагъа: «Сиз а кимге санайсыз Мени?» – деди. Шимон Петер, жууап эте: «Сен – жашау бериучю Аллахны Уланы Масихсе», – деди.

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.