Popular Bible Verses from Matayo 13

Share

Ela atʼu anjine, anga dza muratʼu mutʼu mokala muna mutsanga udzo. Ao achisikira riro neno anarelewa, na kurituwa jeri-jeri. Ndo ao chidzako nikukala dza yiyatʼu mimera yiriyo minjine yavyala mavuno machache, minjine yichivyala mavuno manji, na minjine yichivyala mavuno manji muno.”

Atʼu anjine nao, anga dza muratʼu mutʼu mokala ni kati-kati ya mizi ya mihi ya miya. Atʼu dza ao anasikira neno, na chidzako nikukala chimoyomoyo kwa mazagazi ga phapha duniani, akaphenywa ni chipherephere cha kupata utajiri, na phapho riro neno nikugwirwa, na rikatsʼavyala.

Atʼu anjine anga dza muratʼu mutʼu njirani mogwa mbeyu zinjine. Atʼu dza ao anasikira neno dzulu ya Ufalume wa Mulungu, ela kʼaarelewa, na ndo Shetani nikudza, akadzarilavya riro neno roaphenya mwao myoyoni.

Anjine anga dza muratʼu mutʼu mokala muna mawe. Atʼu dza ao achirisikira riro neno ra Mulungu, anariphokera kare na raha. Ela kwakukala, riro neno kʼarimitʼa mizi mumo mwao myoyoni, akuluphira tsʼiku chʼachʼe tu, na ahenderwapho mai na mauku kwa anarikuluphira riro neno, nikuuya nyuma phapho kare.

Jeso waamba, “Ufalume wa Mulungu bee unaidima kuhwalanishwa na tʼadi yiyi. Kwakala kadzungu ka madini kozikwa mundani. Ndo tsʼiku mwenga, mutʼu wakala unarimira phapho, na achikaona, naye achikaza kukasirira. Aripholaa phapho, wakala unahamirwa muno hata achendaguza vyosi vyokala unavyo, achidzagula uo munda.

Ela zinjine za zizo zagwa phenye mutsanga udzo, zichimera, zichikula, na kati ya zizo, zinjine zichivyala mavuno machache, zinjine zichivyala mavuno manji, na zinjine zichivyala manji muno.”

Riro riricheni rikule tu hata ukati wa kutosa muhama ufike. Phapho ndipho nindaamba atosi, atose muhama hata amale, chisha akautiye maguniani. Chidzako, akaritsenge riro nyasihama, na aritiye moho.’ ”