Popular Bible Verses from GENESE 17

Share

Aberamo ena mauri lagani be 99 neganai, Lohiabada ese ia dekenai ia hedinarai, ia gwau, “Lau be Siahu Ibounai Dirava, lau dekenai do oi kamonai oiemu mauri dinadia ibounai, bona kara maoromaoro do oi karaia.

Oiemu ladana be do idia atoa lou lasi Aberamo, to do idia atoa Aberahamo, badina be bese momo havaraia tauna oi lau halaoa inai.

“Lauegu gwauhamata taravatuna oi bona oiemu tubuna dekenai do lau badinaia vairai negadia dekenai. Ia be noho hanaihanai gwauhamata taravatuna. Lau be dohore oiemu Dirava, bona oiemu tubuna edia Dirava.

“Oi danu do lau badinaia gwauhamata taravatuna be inai: Oi be dohore bese momo edia tubuna.

To Dirava ia gwau, “Lasi, oiemu adavana Sara be natuna mero do ia havaraia, bona iena ladana do oi atoa Isako. Lauegu gwauhamata taravatuna Isako dekenai, bona iena tubuna dekenai do lau badinaia. Ia be noho hanaihanai gwauhamata taravatuna.

Inai hari oi noho idau tauna bamona tano do lau henia oi dekenai, bona oiemu tubuna dekenai. Inai Kanana tano ibounai be oiemu, bona oiemu tubuna edia, ela bona hanaihanai, bona lau be edia Dirava do lau noho.”

Aberahamo ia tui diho, iena vairana ia atoa diho tano dekenai, to inai bamona ia laloa neganai, ia kiri, ia gwau, “Iena mauri lagani be 100 tauna, natuna ta do ia havaraia diba? Sara danu ena mauri lagani be 90, be dohore ia mara, a?”

Dirava ese Aberahamo dekenai ia hereva, ia gwau, “Oiemu adavana ena ladana oi atoa lou lasi Sarai, iena ladana hari be Sara.

Emui kopina do umui utua, inai be gwauhamata taravatuna oi bona lau iseda huanai ena toana.

To lauegu gwauhamata taravatuna oiemu natuna Isako dekenai be do lau badinaia. Ia be Sara dekenai do ia vara, vaira lagani inai bamona nega dekenai.”

Emui memero ibounai ta ta dina 8 idia abia neganai, edia kopina do umui utua. Emui ruma dekenai vara hesiai taudia danu edia kopina do umui utua. Bona idau taudia dekena amo umui hoia hesiai taudia danu edia kopina do umui utua. Inai ibounai ta ta kopina utua kara do idia abia, bona inai be emui tauanina dekenai ena toa ta, lauegu hanaihanai noho gwauhamata taravatuna umui dekenai ena toana.