Popular Bible Verses from 1 Kòríntì ŋa 15

Share

Ìnàbí ŋa, àrínódzú-mi ŋa, kíbí iŋɛ́ ŋa#á wà bɛ́ɛ̀#ɛ́ fee, è kpara gírí, tsí e dzokó rìgírìgí si náàrì mì dzígí. È mú àmí-ŋɛ́ kpó, tsí e wà ń tsitsɛ́-Ɔlá-wa làkóò làkóò gé. È tse bɛ́ɛ̀, iŋɛ́ yèé tse#ɛ́, kíbí è múgírí si, tsí wà tsitsɛ́-Ɔlá-wa#á, kàkó dzɛ́ iŋɛ́-akpotu fú ŋɛ́ láyé.

Ó ɖi, ɔkpɛ́ kɔ́kpɛ́ ni ti Ɔ̀ɖáyé ni, iŋɛ́ yèé tse#ɛ́, ó gbà ńǹtá-Yèésù Kírísítò Ɔlá-wa, tsí tse tsí àa dzàdzàbɔ́-ikú òŋu àbi gbo.

È máa rú ara-ŋɛ́. “Ɔ̀há kɔ́ɔ̀há ɖíɖá fee, náa bàdzɛ́ ìlò-ire.”

Ó ɖi, bí ǹ dzɛ́ iŋɛ́-kã̀ si nɔ́mbɛ́#ɛ́, ore-ɔ̀fɛ́-Ɔ̀ɖáyé ní tse tsí ǹ dzɛ́ iŋɛ́ nyɛ̀ŋɛ̀ si#ɛ́. Tsí ore-ɔ̀fɛ́ yèé Ɔ̀ɖáyé tse fú mi#ɛ́, kò dzɛ́ iŋɛ́-akpotu. Kà kàa bɛ́ɛ̀, ǹ múgírí, tsí tsitsɛ́ láre adzítsɛ́-Yèésù àtíbɔ̀ ŋa. Ó ɖi, kò tsi èmi ní tsitsɛ́#ɛ́. Ore-ɔ̀fɛ́ yèé Ɔ̀ɖáyé tse fú mi#ɛ́ ní tse tsí ǹ nyáa tse bɛ́ɛ̀#ɛ́.

À tɔ́ kɔɔ́ si ńǸwé-Ɔ̀ɖáyé si ró ní: “Ikú! Àdzàbɔ́ yèé ò dzɛ#ɛ́ fáà? Oró yèé ò nɛ́, tsí nàa ń kpanɛ#ɛ́ gbo fáà?” Oró yèé wà nɔ́wɔ́-ikú, tsí náa ń kpanɛ#ɛ́ ní dzɛ́ àbi#ɛ́. Tsí àbi#ɛ́, ɛkpa-Mɔ̀ɔ́sè† ní wà fú òŋu gbo ńkpá#á.

È fú, tsí n nya iŋɛ́-kã̀ yèé Ɔ̀ɖáyé ń ɖúkù si#ɛ́ ɖíre fú ŋɛ́. Iŋɛ́#ɛ́ ní wà dzɛ́ ní fee, kò tsi àwa kpó ní bòkó kú#ɛ́. Ó ɖi, Ɔ̀ɖáyé nákó kparɔ ìwànwà-àwa kpó. Afɔ̀ yèé ǹ wà fɔ̀ bɛ́#ɛ́, nákó dzɛ́ kíbí à náa kpadzú tsím bɛ́ gé#ɛ́ ni. Ńǹwèrè nyɛ̀ŋɛ̀ ní ikpè-Ɔ̀ɖáyé nákó ɖɔ̃́ ní ɔdzɔ́-ìtã̀ntã́#á tó#ɛ́. Ó ɖi, ikpè#ɛ́ nákó ɖɔ̃́ bɛ́ɛ̀ ìɖéǹɖè, tsí òkú ŋa nákó dzí wá náyé, tsí ká gba ara yèé kàkó dzirà láyé#ɛ́. Tsí àwa òŋu, Ɔ̀ɖáyé nákó kparɔ ìwànwà-wa.

Ɔ̀nyà-kã̀ ní bá ikú wá, tsí ikú wà kpanɛ#ɛ́. Ká dzí ti náàŋírĩ-òkú ŋa wá náyé gbo#ɛ́, ɔ̀nyà-òmírɛ̃̀-kã̀ gbo ní báa wá, tsí à wà dzí ti náàŋírĩ-òkú ŋa wá náyé#ɛ́. Ɔ̀nyà ŋa kpó wà kú, iŋɛ́ yèé tse#ɛ́, à ɖi ɔ̀kã̀ntso bá Áɖàmì†. Bɛ́ɛ̀ ké ní ɔ̀nyà ŋa kpó yèé Kírísítò nákó tse ɔ̀kã̀ntso bá#á, Ɔ̀ɖáyé nákó fú ŋa náàyɛ̀#ɛ́ ńnɛ̀ɛ́.

Ó ɖi fee, iŋɛ́ yèé dzɛ́ iŋɛ́ dzídzirà#á wà ní kó kpàrɔ̀, tsí kó ɖi iŋɛ́ yèé kàkó dzirà láyé#ɛ́, tsí iŋɛ́ yèé dzɛ́ iŋɛ́ kúkú#ɛ́ gbo kó kpàrɔ̀, tsí kó gbé náàyɛ̀ si títí lɔ náàrìtã́.

Ó ɖi, ó wà ní Kírísítò#ɛ́ kó wà dzoyè títí Ɔ̀ɖáyé kó mú ɔ̀tɛ̀‐ɛ̀ ŋa tsã́lɛ̀, tsí kó mú ɛsɛ̀ lé ńǹtá-ŋa. Tsí ɔ̀tɛ̀ yèé nákó ra kã́ã̀nyì#ɛ́ ní dzɛ́ ikú#ɛ́.