Popular Bible Verses from 1 Kòríntì ŋa 12

Share

Ɔ̀ɖáyé náa tse tsí à náa rí ní Mímí‐ɛ̀ náa wà tsitsɛ́ ńnɔ́-kṹnukṹ, tsí náa tse bɛ́ɛ̀, àtsùgbée kó dzɛ́ ire fú ɔ̀nyà kpó ni.

Ɛ̀ŋɛ ní dzɛ́ ara-Kírísítò#ɛ́, tsí ɔ̀nyà kã̀kã̀ náàŋírĩ-ŋɛ́ dzɛ́ ìɖì kã̀kã̀-ara#á.

Tsí bí ó dzɛ́ ní ìɖì-kã̀-ara#á wà ńǹréré si#ɛ́, ìɖì-àtíbɔ̀ ŋa náa wà gbɔ́ ɖíɖɔ̃̀ fúu. Tsí bí ó dzɛ́ gbo ní ìɖì-kã̀-ara#á wà gba nyínyɛ̀#ɛ́, ìɖì-àtíbɔ̀ ŋa gbo kpó náa wà táyè báa.

Ɔ̀nyà-kã̀ òŋu, Mímí-Ɔ̀ɖáyé náa fúu ní kó wà wíìnyɛ̀ òŋu ifɛ̀ɛ́nɔ́. Tsí olòmírɛ̃̀ gbo, Mímí-Ɔ̀ɖáyé#ɛ́ ké náa fú òŋu gbo, tsí iŋɛ́ yèé wà ní ká mà#á, náa nyàá fɔ̀. Tsí olòmírɛ̃̀ gbo#ɛ́, Mímí-Ɔ̀ɖáyé#ɛ́ náa fú òŋu gbo, tsí náa nɛ́ àkaralé kpàtàkìì-kã̀ si ńǹtá-Ɔ̀ɖáyé. Tsí olòmírɛ̃̀ gbo#ɛ́, náa fú òŋu gbo ní kó wà bɔ àkɔ̃̀rɔ̃̀ ŋa. Mímí-Ɔ̀ɖáyé ɔ̀kã̀ntso#ɛ́ ké ní náa fúnɛ bɛ́ɛ̀#ɛ́. Náa fú olòmírɛ̃̀ gbo, tsí òŋu gbo náa wà tse iŋɛ́-àwùsì ŋa. Tsí náa fú olòmírɛ̃̀ gbo, tsí òŋu gbo náa wà gbɔ́ afɔ̀-Ɔ̀ɖáyé fɔ̀ fúnɛ. Tsí náa fú olòmírɛ̃̀ gbo, tsí òŋu gbo náa ɖáa mà ní iŋɛ́ yèé à wà fɔ̀#ɛ́ wà ti ńɖi-Ɔ̀ɖáyé nàmí ó wà ti ńbòmírɛ̃̀ ni. Tsí náa fú olòmírɛ̃̀ gbo, tsí òŋu gbo náa wà wí ìlú-òmírɛ̃̀ ŋa. Tsí náa fú olòmírɛ̃̀ gbo, tsí òŋu gbo náa wà gbɔ́ ìlú-òmírɛ̃̀ ŋa#á fɔ̀ fúnɛ.

Tsí iŋɛ́ yèé ŋa nyí kpó#ɛ́, Mímí-Ɔ̀ɖáyé ɔ̀kã̀ntso#ɛ́ ké ní náa kpɛ̃́ ŋa fúnɛ kṹnukṹ òŋu tɛ̀ɛ̀ ńǹrɔ́-kíbí ó wùú gbà#á.

Ó tse bɛ́ɛ̀, àtsùgbée ara-ɔ̀nyà kó máa kpɛ̃́ níìkã̀ níìkã̀ ni. Kà kàa bɛ́ɛ̀, ìɖì-ara ŋa#á ká wà tɔ́dzú-ara-ŋà ŋa.

Àa gba ikpá-ɔ̀fɛ́ ŋa ńǹrɔ́ǹrɔ́. Ó ɖi, Mímí-Ɔ̀ɖáyé#ɛ́, ɛnɛ yèé fú wa ńkpá-ɔ̀fɛ́ ŋa#á, ɔ̀kã̀ntso gé ní wà#á. Itsɛ́ ŋa gbo wà ńǹrɔ́ǹrɔ́. Ó ɖi, Ɔlá-wa, ɛnɛ yèé àa wà tsitsɛ́#ɛ́ fú#ɛ́, ɔ̀kã̀ntso gbo gé ní wà#á. Kíbí à náa tsitsɛ́ ŋa#á gbo gbà#á, ó wà ńǹrɔ́ǹrɔ́. Ó ɖi, Ɔ̀ɖáyé, ɛnɛ yèé náa fú wa náàmí, tsí àa náa tsitsɛ́ ŋa#á, ɔ̀kã̀ntso gbo gé ní wà#á. Tsí òŋu ní náa tse iŋɛ́ ɔ̀kã̀lɔ́ɔ̀kã̀ kpó ńnɔ́-ɔ̀nyà kpó#ɛ́.

Ńbɛ̀ɛ́, Ɔ̀ɖáyé mú ɔ̀nyà kã̀ŋa si ńwádzú fú ɛgbɛ́-Kírísítò#ɛ́ si. Náàtsɛ̃̀tsɛ̃̀#ɛ́, ó mú adzítsɛ́-Yèésù† ŋa si. Èkéèdzì‐ɛ̀#ɛ́, ó mú agbáfɔ̀-Ɔ̀ɖáyé fɔ̀† ŋa tɛ̀ ŋá. Ɛ̀kɛ́ɛta‐ɛ̀#ɛ́, ó mú akɔ́nɛ ŋa gbo tɛ̀ ŋá. Náànyì-tiŋa#á, ɛnɛ yèé ŋa náa tse iŋɛ́-àwùsì ŋa#á gbo wà. Tsí ɛnɛ yèé ŋa náa bɔ àkɔ̃̀rɔ̃̀ ŋa#á gbo wà. Tsí ɛnɛ yèé ŋa náa mɔ́wɔ́ gbè fúnɛ ŋa#á gbo wà. Tsí ɛnɛ yèé ŋa náa gbɛ̃́ ɛgbɛ́-Kírísítò ŋa#á gbo wà. Tsí ɛnɛ yèé ŋa náa wí ìlú-òmírɛ̃̀ ŋa#á gbo wà.

Ó ɖi fee, kò tsi ìɖì ɔ̀kã̀ntso gé ní wà nára-ɔ̀nyà#á. Ìɖì ŋa wà nára#á ńǹrɔ́ǹrɔ́.

Kà kàa bɛ́ɛ̀, ìɖì kã̀ŋa wà nára-ɔ̀nyà, tsí àa náa tsèsérè ní à kò nɛ́ àmí tó ìɖì-àtíbɔ̀ ŋa. Ó ɖi, àŋa gbo, à sì kpã́dzú.

Ara-ɔ̀nyà má dzɛ́ odzú gé fe, bí à má tse fáà, tsí wà gbɔ̃́ɔ̃̀rã̀? Tsí ara#á má dzɛ́ etí gbo gé fe, bí à má tse fáà, tsí wà gbɔ́mɔ́? Ó ɖi, Ɔ̀ɖáyé mú ìɖì kã̀kã̀, tsí ń tò si nára#á si kíbí ó wùú gbà#á ni. Tsí ó má dzɛ́ ní ìɖì ɔ̀kã̀ntso gé ní ara-ɔ̀nyà dzɛ́#ɛ́, kàkó tɔ́ dzɛ́ ara-ɔ̀nyà ró nɛ́.