Popular Bible Verses from LUKE 9

Share

Ana saikorali hānglui, “Kachikathā mina iwui thi shurga jiakha akhalattawui ningkachāng horhaida awui krush phungda ithi shurranu.

Kaja kachikathana awui mirin kankhuiga jiakha chi shimānra; kala kachikathā iwui vang awui mirin shimānkhame china kankhuira.

Jishuna ali hānga, “Seiot khuiphokhailaga khanukvāk yangkhaunga mi chi Vare wungramli zangkhavai matik machāmana.”

Kaja mi akhana okathui tongda samphanglala khalattawui mirin shimānhaiakha awui tongkazā khi leikhala?

Kachikathā mina iwui vang kala iwui tuiwui vang khayakakha miwui Naomayarana awui tekhamatei kala Avā eina kazingraobingwui tekhamatei eina rāthanghon awui vangla khayakhaora.

Chieina Jishuna ali hānga, “Ramfala akhur lei, khamasaili yongkazata vānaobingla athip lei, kha miwui Naomayarava ngayaizangda ngasāmkhui khavaipam akhala maleimana.”

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”