Popular Bible Verses from Yoani 12

Share

Uulefwaya ukuba umubomfi wandi, ali nokulankonka. Epakuti uko ndi, no mubomfi wandi nao eko akabe. Kabili Tata akacindamika onse umubomfi wandi.

Uyo uwatemwa umweo wakwe akaulofya. Na uyo uwapata umweo wakwe pano calo, eukausunga, akaba no mweo wape.

Ndemweba icine cine ukuti uluseke lwa ŋanu lushalafye lumo mpo, kanofye nga lwaponena mu mushili no kufwa lwafwa. Lyena nga lwafwa, elyo lutwala ifisabo ifingi.

Ine naisa pano isonde ukuba ulubuuto ku bantu. Kanshi onse uwasumina tekala mu mfifi.

Onse uwaumfwa amashiwi yandi lelo akaana ukulayasunga, teine nkamupeela umulandu. Ine nshaisa pano isonde kukupeela aba pano isonde umulandu, awe naisa kukubapususha.

Elyo Maria aisamo nasenda ibotolo umwali amafuta aya mutengo ukalamba nganshi, kabili aya cena cisuma ayaleitwa nardi. Ayakonkomwena pa makasa yakwa Yesu. Elyo alafuta amakasa ku mishishi yakwe. Awe iŋanda yonse yaisulafye icena cisuma ica mafuta.

Balakontola imisambo ya tuncindu, bamukonkela balepunda abati, “Hosana, nakalebalika! Lesa apaale uyu waisa uo Imfumu yatuma! Lesa apaale Imfumu ya bena Israeli!”

Yesu abasuka ati, “Nomba inshita yafika iyakusokolola ubucindami bwa Mwana wa muntu.