Popular Bible Verses from Lik 4

Share

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen, proklanm en lannen kot zot ava war labonte Senyer.

Zezi ti reponn li, “I'n ekri: Ou devre ador Senyer ou Bondye, e servi zis li tousel.”

Zezi ti reponn li, “Lekritir i deklare: Zonm pa pou viv zis lo dipen.”

Zezi, ranpli avek Lespri Sen, ti kit larivyer Zourden e Lespri ti anmenn li dan dezer.

Zezi ti reponn li, “I'n ekri: Ou pa devre tant Senyer ou Bondye.”

Kan dyab ti'n fini tant Zezi dan tou diferan fason, i ti kit li ziska ki i ganny en pli bon lokazyon.

Alor, dyab ti anmenn Zezi dan en landrwa pli o, kot i ti montre li tou bann rwayonm later. I ti dir li, “Mon pou donn ou tou pouvwar ek mazeste sa bann rwayonm. Annefe, tousala in ganny livre avek mwan, e mwan, mon kapab donn nenport ki, ki mon oule. Par konsekan, si ou ador mwan, tousala ava vin pour ou.” Zezi ti reponn li, “I'n ekri: Ou devre ador Senyer ou Bondye, e servi zis li tousel.”

Apre sa, dyab ti anmenn Zezi Zerizalenm. I ti met li debout lo lapwent twa Tanp. Dyab ti dir li, “Si ou Garson Bondye, zet ou anba. I'n ekri: Bondye ava donn lord son bann lanz pour protez ou. E ankor: Zot pou anmenn ou lo zot lanmen, pangar ou konny ou lipye avek en ros.” Zezi ti reponn li, “I'n ekri: Ou pa devre tant Senyer ou Bondye.”