If you have would like a copy of this version please contact info@davarpartners.org

Cipangano Cipiya 2015

<div class="version vid888 iso6393ilb" data-vid="888" data-iso6393="ilb">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jeso Wabuka ku Bafwu</div><div class="r">(Matayo 28:1-10; Maako 16:1-8; Johani 20:1-10)</div><div class="p"> 1Mu buzuba butaanzhi bwa nsunda cifwumo fwumo, bakaintu bakaya ku cuumbwe, bakabweza umafwuta aanunka kalonze ngubakaakubambile. 2Bakayana ati ibwe lyakakushincilwe acuumbwe ndikunkulushe. 3Ubobo bakanjila mu cuumbwe, pele bakayana ati mutunta wa Jeso kootemo. 4Bacizhinjilwe ku makani aza, balombwana bobile basamine shikobelo shibeka beka bakeza kuzhima afwaafwi. 5Bakaintu bakatiya cini cini, bakafwulama balanga anshi, balombwana babo bakababuzha ati, &#8220;No kaamboonzhi mulakapula mumi akati kabafwu?&#8221; 6#Mat 16:21; 17:22, 23; 20:18, 19; Mk 8:31; 9:31; 10:33, 34; Lk 9:22; 18:31-33Temo mono wabuka! Amuzhibaluke mbwaakamushimwina naakucili mu Galilaya ati, 7&#8220;Mwanaa Muntu ulyeelele kwaabwa mu matashi a bantu ba shishibi, ukuyayiwa aciciinkano, ulimwi mu buzuba bwatatu ulakabuka ku bafwu.&#8221;</div><div class="p"> 8Ngoonaawo bakaintu bakaazhibaluka mazwi akwe. 9Inzho bakakuhwa ku cuumbwe kuya kushimwina ba shiciiya bakwe bali ikumi uutwesha womwi aza makani, u babo bamwi bakaakumucilila Jeso. 10Bakaintu baba kabali ba Maliya Magadalena, u Joana u Maliya baina Jemusi. Inzho baba, u bakaintu bamwi mbucaakuli abo bakaya kukananina batumwa aza makani. 11Batumwa bayina nibakaashoma makani aza, bakatelaika ati ntwaambo twa musalo wabakaintu. 12Pele Pita wakazhimuka waalukancila ku cuumbwe. Naakashika wakasondela, wakabona bulyo shisani shakaakuputilwe mufwu. Wakabweela ku munzhi ulizhinjile kaambo ka ceco cakacitika.</div><div class="s">Cakacitika Munzhila yaku Emausi</div><div class="r">(Maako 16:12-13)</div><div class="p"> 13Inzho mu buzuba bobo mbubona, balombwana bobile bakaakucilila Jeso, kabaya ku munzhi wa Emausi kuhwa ku Jelusalemu. Mushinzo wezu koolampa bamaile bali baliciloba uutwesha womwi. 14Nibakaakuya bweenda munzhila kabaya bubandika makani akacitika mu Jelusalemu. 15Nibakaakuya bweenda ukulya musalo, Jeso wakaposhoka, wabeenzha wakanka kuya bweenda abo. 16Bakamubona pele bayina kumwizhiba. 17Ngoonaawo Jeso wakababuzha ati, &#8220;Anu makaninzhi aza ngumuya bwaamba?&#8221;</div><div class="p">Inzho bakazhima bamulanjilila balyeetezha. 18Umwi wabo uutewa ati Kiliyopasi wakamubuzha ati, &#8220;Sa uwe ndiwe mweenzu ice nana mu Jelusalemu, utashizhi shintu shakacitika ano ngoona mazuba?&#8221;</div><div class="p"> 19Walo wakabuzha ati, &#8220;Anu nshintuunzhi?&#8221;</div><div class="p">Bakamwiingula ati, &#8220;Shintu shakacitika kwa Jeso waku Nanzaleta. Wezu muntu kali mushinshimi mukando, ulimwi kayiisha u kucita milimo izoosha ku bushu bwa Leza uku bantu boonse. 20Pele bapaizhi bakando u beendelezhi ba cishi, bakamwaaba kwaamba apewe mulandu wa lufwu, inzho wakakankaminwa aciciinkano. 21Pele uswe twakaakushoma ati nguukaanununa ba Izilaili. Inzho bwasunu mbuzuba bwatatu kuhwa nicaacitika ceci. 22Bamwi bakaintu ba munkamu yesu batunzhinga. Bafwuma kuya ku cuumbwe kaacishiyashiya anshi, 23pele mutunta wakwe bayina kuuyana mu cuumbwe, nibapiluka baamba ati babona bulyo baanjelo babashimwina ati mumi. 24Ulimwi bamwi bamunkamu yesu, kabayile ku cuumbwe bayana mbubona mbubaamba bakaintu, pele walo bayina kumubona.&#8221;</div><div class="p"> 25Ngoonaawo Jeso wakabaambila ati, &#8220;Umwe nubalimbushi! Umutafwambaani kuhumina shintu shoonse nshibakaamba bashinshimi. 26Sa sheshi shintu kashiteelele kucitika ku Munanike wa Leza, kwaamba anjile mu bulemu bwakwe?&#8221; 27Kuhwaawo Jeso wakabapandulwila shoonse shilembelwe mu ma&#331;walu shizeeme kwakwe. Kutalicila kumabuka ngaakalemba Mozesi kuya kushika kuli shesho nshibakalemba bashinshimi.</div><div class="p"> 28Nibakashika afwaafwi amunzhi ngubakaakuya, Jeso wakacita ukoya shikwiitilila, 29pele balo bakamukasha baamba ati, &#8220;Utayi, bona kwashiya kale izuba lyebila katuya a&#331;anda.&#8221; Ngoonaawo wakayaabo amunzhi. 30Nibakasengela cakulya, wakabweza cinkwa walumba kwa Leza amane wacikomona wabapa. 31Inzho menso abo akayaluka, bakamuzhiba. Ngoonaawo wakazeluka bulyo waya cakutabonwa linji. 32Inzho bakaamba beni ubeni ati, &#8220;Bwe! Sa mazwi akwe kaatatuyasi naakukanana munzhila, ciindi naakupandulula Malembe?&#8221;</div><div class="p"> 33Ngoonaawo bakazhimuka babweela ku Jelusalemu, nkubakaya kuyana batumwa bali ikumi uutwesha womwi balibungene antoomwi u bantu bamwi mbucaakuliaabo, 34balabandika ati, &#8220;Cini cini Mwami wabuka! Saimoni Pita wamubona.&#8221;</div><div class="p"> 35Inzho u babo ba shiciiya bobile bakakanka kubapandulwila cakacitika munzhila, umbubakamuzhiba Jeso nakabakomwena cinkwa.</div><div class="s">Jeso Walibonya ku Bashiciiya Bakwe</div><div class="r">(Matayo 28:16-20; Maako 16:14-18; Johani 20:19-23; Incito 1:6-8)</div><div class="p"> 36Nibakaakucipandulula aza makani, mwini Jeso wakazhima akati kabo ca shibulicila, wabaambila ati, &#8220;Luumuno alube amwe.&#8221;</div><div class="p"> 37Pele bakazoowa ukutiya cini cini, kaambo bakatelaika ati babona moza mubiyabi. 38Inzho wakabaambila ati, &#8220;No mwapengaanzhi? Nkaamboonzhi ncimuzuluzha? 39Amwaabone matashi umatende angu, ndime cacini cini. Amu&#331;ampaampe muteelele ati ndime, kaambo moza mubiyabi wiina mubili ushifwuwa ukoya mbwiinkwete ume.&#8221; 40Naakaakwaamba bobo wakabatondezha matashi umatende akwe. 41Nikuba bobo bayina nibakahumina kaambo kalutangalo ukuzoowa, inzho wakababuzha ati, &#8220;Sa kwiina cakulya ano?&#8221; 42Bakamupa citinka canswi inzoce. 43Wakacibweza walya boonse balimulanjilile.</div><div class="p"> 44Ngoonaawo wakabaambila ati, &#8220;Sheshi inshisho shintu nshindakaakumwaambila lelya nindakakuli amwe, nkaambo shoonse shilembelwe mu Mulawo wa Mozesi, umalembe a bashinshimi, umu Ntembauzho, ushaamba ume shilyeelele kuzuzucizhiwa.&#8221;</div><div class="p"> 45Naakaamba bobo wakeeyalula mizeezo yabo kwaamba bateeleleshe Malembe ncaamba. 46Wakabaambila ati, &#8220;Ceci ncicilembelwe ati, Munanike wa Leza ulyeelele kupenga u kubuka ku bafwu mu buzuba bwatatu, 47ulimwi ati mwizhina lyakwe makani akusanduka u kulecelelwa kwa shibi akambaukwe ku bantu bamishobo yoonse kukancila mu Jelusalemu. 48Umwe muli bakamboni ba shintu sheshi. 49#Inc 1:4Ulimwi ume ndakamutumina ceco Taata ncakashomezha, pele mulyeelele kulindila mu munzhi mono mpaka insana shihwa kwizeulu shikashice ali umwe.&#8221;</div><div class="s">Jeso Watolwa Kwizeulu</div><div class="r">(Maako 16:19-20; Incito 1:9-11)</div><div class="p"> 50 # 
 Inc 1:9-11
 Inzho wakabasololela kuya ku munzhi wa Betani, nibakashika koko, Jeso wakatambika matashi akwe wabalonjezha. 51Naakaakucibalonjezha wakaandaana abo, wakatolwa mwizeulu. 52Inzho bakamukomba, bamane babweela ku Jelusalemu balibotelelwe cini cini mu myonzo. 53Ciindi coonse kabanjila mu&#331;anda ya Leza balatembaula Leza.</div>
 </div>
 </div>
</div>

Ila New Testament © Bible Society of Zambia, 2015.

Mu buzuba butaanzhi bwa nsunda cifwumo fwumo, bakaintu bakaya ku cuumbwe, bakabweza umafwuta aanunka kalonze ngubakaakubambile. Bakayana ati ibwe lyakakushincilwe acuumbwe ndikunkulushe. Ubobo bakanjila mu cuumbwe, pele bakayana ati mutunta wa Jeso kootemo. Bacizhinjilwe ku makani aza, balombwana bobile basamine shikobelo shibeka beka bakeza kuzhima afwaafwi. Bakaintu bakatiya cini cini, bakafwulama balanga anshi, balombwana babo bakababuzha ati, “No kaamboonzhi mulakapula mumi akati kabafwu?” Temo mono wabuka! Amuzhibaluke mbwaakamushimwina naakucili mu Galilaya ati, “Mwanaa Muntu ulyeelele kwaabwa mu matashi a bantu ba shishibi, ukuyayiwa aciciinkano, ulimwi mu buzuba bwatatu ulakabuka ku bafwu.”
Ngoonaawo bakaintu bakaazhibaluka mazwi akwe. Inzho bakakuhwa ku cuumbwe kuya kushimwina ba shiciiya bakwe bali ikumi uutwesha womwi aza makani, u babo bamwi bakaakumucilila Jeso. Bakaintu baba kabali ba Maliya Magadalena, u Joana u Maliya baina Jemusi. Inzho baba, u bakaintu bamwi mbucaakuli abo bakaya kukananina batumwa aza makani. Batumwa bayina nibakaashoma makani aza, bakatelaika ati ntwaambo twa musalo wabakaintu. Pele Pita wakazhimuka waalukancila ku cuumbwe. Naakashika wakasondela, wakabona bulyo shisani shakaakuputilwe mufwu. Wakabweela ku munzhi ulizhinjile kaambo ka ceco cakacitika.


Inzho mu buzuba bobo mbubona, balombwana bobile bakaakucilila Jeso, kabaya ku munzhi wa Emausi kuhwa ku Jelusalemu. Mushinzo wezu koolampa bamaile bali baliciloba uutwesha womwi. Nibakaakuya bweenda munzhila kabaya bubandika makani akacitika mu Jelusalemu. Nibakaakuya bweenda ukulya musalo, Jeso wakaposhoka, wabeenzha wakanka kuya bweenda abo. Bakamubona pele bayina kumwizhiba. Ngoonaawo Jeso wakababuzha ati, “Anu makaninzhi aza ngumuya bwaamba?”
Inzho bakazhima bamulanjilila balyeetezha. Umwi wabo uutewa ati Kiliyopasi wakamubuzha ati, “Sa uwe ndiwe mweenzu ice nana mu Jelusalemu, utashizhi shintu shakacitika ano ngoona mazuba?”
Walo wakabuzha ati, “Anu nshintuunzhi?”
Bakamwiingula ati, “Shintu shakacitika kwa Jeso waku Nanzaleta. Wezu muntu kali mushinshimi mukando, ulimwi kayiisha u kucita milimo izoosha ku bushu bwa Leza uku bantu boonse. Pele bapaizhi bakando u beendelezhi ba cishi, bakamwaaba kwaamba apewe mulandu wa lufwu, inzho wakakankaminwa aciciinkano. Pele uswe twakaakushoma ati nguukaanununa ba Izilaili. Inzho bwasunu mbuzuba bwatatu kuhwa nicaacitika ceci. Bamwi bakaintu ba munkamu yesu batunzhinga. Bafwuma kuya ku cuumbwe kaacishiyashiya anshi, pele mutunta wakwe bayina kuuyana mu cuumbwe, nibapiluka baamba ati babona bulyo baanjelo babashimwina ati mumi. Ulimwi bamwi bamunkamu yesu, kabayile ku cuumbwe bayana mbubona mbubaamba bakaintu, pele walo bayina kumubona.”
Ngoonaawo Jeso wakabaambila ati, “Umwe nubalimbushi! Umutafwambaani kuhumina shintu shoonse nshibakaamba bashinshimi. Sa sheshi shintu kashiteelele kucitika ku Munanike wa Leza, kwaamba anjile mu bulemu bwakwe?” Kuhwaawo Jeso wakabapandulwila shoonse shilembelwe mu maŋwalu shizeeme kwakwe. Kutalicila kumabuka ngaakalemba Mozesi kuya kushika kuli shesho nshibakalemba bashinshimi.
Nibakashika afwaafwi amunzhi ngubakaakuya, Jeso wakacita ukoya shikwiitilila, pele balo bakamukasha baamba ati, “Utayi, bona kwashiya kale izuba lyebila katuya aŋanda.” Ngoonaawo wakayaabo amunzhi. Nibakasengela cakulya, wakabweza cinkwa walumba kwa Leza amane wacikomona wabapa. Inzho menso abo akayaluka, bakamuzhiba. Ngoonaawo wakazeluka bulyo waya cakutabonwa linji. Inzho bakaamba beni ubeni ati, “Bwe! Sa mazwi akwe kaatatuyasi naakukanana munzhila, ciindi naakupandulula Malembe?”
Ngoonaawo bakazhimuka babweela ku Jelusalemu, nkubakaya kuyana batumwa bali ikumi uutwesha womwi balibungene antoomwi u bantu bamwi mbucaakuliaabo, balabandika ati, “Cini cini Mwami wabuka! Saimoni Pita wamubona.”
Inzho u babo ba shiciiya bobile bakakanka kubapandulwila cakacitika munzhila, umbubakamuzhiba Jeso nakabakomwena cinkwa.


Nibakaakucipandulula aza makani, mwini Jeso wakazhima akati kabo ca shibulicila, wabaambila ati, “Luumuno alube amwe.”
Pele bakazoowa ukutiya cini cini, kaambo bakatelaika ati babona moza mubiyabi. Inzho wakabaambila ati, “No mwapengaanzhi? Nkaamboonzhi ncimuzuluzha? Amwaabone matashi umatende angu, ndime cacini cini. Amuŋampaampe muteelele ati ndime, kaambo moza mubiyabi wiina mubili ushifwuwa ukoya mbwiinkwete ume.” Naakaakwaamba bobo wakabatondezha matashi umatende akwe. Nikuba bobo bayina nibakahumina kaambo kalutangalo ukuzoowa, inzho wakababuzha ati, “Sa kwiina cakulya ano?” Bakamupa citinka canswi inzoce. Wakacibweza walya boonse balimulanjilile.
Ngoonaawo wakabaambila ati, “Sheshi inshisho shintu nshindakaakumwaambila lelya nindakakuli amwe, nkaambo shoonse shilembelwe mu Mulawo wa Mozesi, umalembe a bashinshimi, umu Ntembauzho, ushaamba ume shilyeelele kuzuzucizhiwa.”
Naakaamba bobo wakeeyalula mizeezo yabo kwaamba bateeleleshe Malembe ncaamba. Wakabaambila ati, “Ceci ncicilembelwe ati, Munanike wa Leza ulyeelele kupenga u kubuka ku bafwu mu buzuba bwatatu, ulimwi ati mwizhina lyakwe makani akusanduka u kulecelelwa kwa shibi akambaukwe ku bantu bamishobo yoonse kukancila mu Jelusalemu. Umwe muli bakamboni ba shintu sheshi. Ulimwi ume ndakamutumina ceco Taata ncakashomezha, pele mulyeelele kulindila mu munzhi mono mpaka insana shihwa kwizeulu shikashice ali umwe.”


Inzho wakabasololela kuya ku munzhi wa Betani, nibakashika koko, Jeso wakatambika matashi akwe wabalonjezha. Naakaakucibalonjezha wakaandaana abo, wakatolwa mwizeulu. Inzho bakamukomba, bamane babweela ku Jelusalemu balibotelelwe cini cini mu myonzo. Ciindi coonse kabanjila muŋanda ya Leza balatembaula Leza.

Listen to Luka 24